Törek matbuğatına küzätü 07.07.2023
Qayber törek basmalarına küzätü
“Hürriyet” gazetı yazğança Türkiyäneñ tışqı êşlär ministrı Hakan Fidan Bel’giya başqalası Bryussel’da oyıştırğan matbuğat oçraşuında Şveŝiyaneñ NATOğa äğzalek möräcäğate belän bäyle bularaq: “Qanunda üzgäreşlär citärle tügel,” – dide.
“Sabah” basması beldergänçä Türkiye ilbaşı Räcäp Tayyip Ärdoğan kiçä Yaponiya prem’yer-ministr Kişida belän söyläşü ütkärep, anı Türkiyägä çaqırdı.
“Yeni Şafak” gazetı xäbärenä kürä Milli saqlanu ministrlığı 1 ğıynwardan alıp terrorçılıqqa qarşı köräştä 19ı zur külämle bulğan barlığı 320 operaŝiyaneñ oyıştırıluın, 794 terrorçınıñ täêsirsez xälgä kiterelüen açıqladı.
“Star” basması citkergänçä Awrupa Xalıqara aêroportlar şurasınıñ 2023 Hawa yulları tendenŝiyaläre turındağı xisabına kürä İstanbul aêroportı Awrupadağı hawa mäydannarı arasında iñ yaxşı turıdan bäyläneş täqdim itüçe aêroportlar arasında berençe buldı.
“Haber Türk” gazetı yazğança futbol klubı Real Madrid Fenerbahçe komandasınnan Arda Gülerne küçerüe turında räsmi räweştä açıqladı. İspaniyale taqım berençe tapqır törek telendä açıqlaw yasadı.
