Törek matbuğatına küzätü 06.07.2023
6nçı iyül' könne çıqqan qayber törek gazetlarına küzätü
“Vatan” gazetı Ärdoğannıñ Niderland belän möhim söyläşüe xaqında citkerä.
Türkiyä ilbaşı Räcäp Tayyip Ärdoğan Niderland xökümäte räise Mark Rutte belän telefonnan söyläşte. Anda ikeyaqlı mönäsäbätlär, Şveśiyäneñ NATOğa kerü prośessı, Awrupada Qor’ängä qarata provokaśiyä çaraları belän başqa regional’ häm global’ mäs’älälär qaraldı.
“Star” gazetı “İslamğa höcümnär Awrupada kizü xälenä kilde” dip yaza.
Türkiyä tışqı êşlär ministrı Xakan Fidan İslamğa qarşı çaralarnıñ Awrupada äyterseñ kizü xälenä kilüen belderde. “Milliardlağan keşeneñ izge kitabı Qor’änne yandıru häm süz irege digän bulıp bu ğamällärgä röxsät birü – milliardlağan keşene ap-açıq mısqıllaw,”-dide ul.
“Hürriyet” gazetı Awrupa Berlegeneñ Türkiyä belän bäyle belderüen citkerä.
Awrupa Berlege kiñäyü komissarı Oliver Varxeli, xäzerge awırlıqlarğa qaramastan, Türkiyä belän strategik mönäsäbätlär tözüne däwam itärgä teläwlären äytep: “Berdäm üseş häm totrıqlılıq öçen ber-berebezgä ixtiyacıbız bar,”-dide.
“Sabah” gazetı “Katonıñ altı neft’ diñgeze” digän başçalı xäbär urnaştıra
Türkiyäneñ separatist terrorçı oyışma PKKdan çistartılğan Şırnaktağı Kato tawında neft’ yatmasınıñ Cudi häm Gabardağıdan tağın da kübräk buluı uylanıla. Türkiyä neft’ korporaśiyäseneñ töbäk citäkçese Oğuz Şahin anda 6 neft’ diñgeze buluın söyli.
“Yeni Şafak” gazetı “İspannar Arda Gülär turında söyläşä” dip yaza.
İspaniyäneñ “Real Madrid” klubı Türkiyäneñ “Fenerbahçe” komandasınıñ yäş’ futbolçısı Arda Gülärne transfer mäs’äläsendä künderde. “Real Madrid”nıñ 18 yäş’lek törek futbolçısın “Barselona”nın qulınnan êläkterep aluı İspaniya matbuğatında kön üzägendä buldı.
