Төрeк мaтбугaтынa күзәтү - Törek matbuğatına küzätü 05.06.2023
5нче июньдә бaсылып чыккaн кaйбeр төрeк гaзeтлaрынa күзәтү / 5nçe iyündä basılıp çıqqan qayber törek gazetlarına küzätü
“Xäbär Türk” gazetı Stoltenberg: “Türkiyäneñ legitim borçıluların beläbez””
İlbaşı Räcäp Tayyip Ärdoğan NATO Ğomum särkätibe Yens Stoltenberg belän İstanbul Dolmabahçä sarayında küreşte. Oçraşu belän bäyle bularaq Stoltenberg: “Türkiyäneñ legitim iminlek borçıluların qarap çıqtıq. Şveśiya Türkiyäneñ borçıluların beterü öçen adım yasadı,” – dip äytte. Stoltenberg: “12nçe iyün’dä Şveśiya, Türkiyä häm NATO oçraşaçaq,” – dip mäğ’lümat birde.
“Sabah” gazetı: “Xaqan Fidanğa dönyadan täbrik yawdı”
Yaña tışqı êşlär ministrı Xaqan Fidanğa dönyanıñ bik küp urınınnan täbrik yullamaları küpläp kilä başladı. İran tışqı êşlär ministrı Xösäyın Ämir Abdullahiyan, Azärbaycan tışqı êşlär ministrı Cäyhun Bayramov, Franśiya tışqı êşlär ministrı Katrin Kolonna, Ukraina tışqı êşlär ministrı Dmitro Kuleba, Êstoniya tışqı êşlär ministrı Margus Tsaxkna, Şveśiya tışqı êşlär ministrı Tobias Billström, Kuba tışqı êşlär ministrı Bruno Rodriguez sośial’ media akkauntlarınnan Fidannı qotladı häm yaña wazıyfasında uñışlar teläde.
“Star” gazetı: “Xaqan Fidan grek matbuğatında”
Tışqı êşlär ministrı wazıyfasına Xaqan Fidannıñ bilgelänelüe Greśiyada zur yañğıraş taptı. Fidannıñ bik aqıllı diplomat buluına iğ’tibarnı yünältüçe grek matbuğatı: “Fidan Yaqın Könçığış, Tön’yaq Afrika häm Qavqaz kebek diplomatiyanıñ bik awır bulğan mäydannarda söyläşüçe ide. Soñğı tapqır Misırda tağın da qatlawlıraq wazıyfanı üz östenä aldı häm näticädä işekne aça aldı,” – dip yazdı.
“Xörriyät” gazetı: “İq’tisadta yaña çor”
Kazna häm finans ministrı Mäxmät Şimşäk wazıyfanı tantana belän Nureddin Näbatidän üz östenä aldı. Mäxmät Şimşäk: “Xökümätebezneñ töp maqsatı – sośial’ mullıqnı arttıru. Aldıbızdağı çorda şuşı maqsatqa ireşüdä açıqlıq, ütä kürenmälelek, êzleklelek, aldan kürüçänlek, xalıqara normalarğa turı kilüçänlek töp nigezlärebez bulaçaq,” – dip äytte.
“Yäni Şafak” gazetı: “Törek ğaskäre Kosovada “tigezlek”ne saqlayaçaq”
Kosovanıñ tön’yağındağı albannar belän serblar arasında kiyırenkelek artqaç, törek ğaskäre NATO Kosova köçe (KFOR) qısalarında ilgä komando batal’yonın cibärde. Kosovalı analitik doktor Mäxmät Kalisi törek desant batal’yonın Serbiya Däwlät başlığı Aleksandar Vucicnıñ İlbaşı Ärdoğannan sorağan mömkin buluın, çönki ike yaqnıñ da Türkiyägä ışanuın äytte.
