Törek matbuğatına küzätü 30.05.2023

“Haber Türk” gazetı yazğança Amerika Quşma Ştatları ilbaşı Djo Bayden häm Rusiyä däwlät başlığı Vladimir Putin Törkiyä ilbaşı Räcäp Tayyip Ärdoğanğa şaltıratıp, qabat saylanuı uñayınnan täbrik ittelär. İke lider Türkiyä belän xezmättäşlekneñ ähämiyätenä tuqtaldı.

“Yeni Şafak” basması beldergänçä bar dön’yada “2023 yılnıñ iñ möhim saylawı” bulğan 28 may könge ilbaşı saylawında Ärdoğannıñ ciñüe NATOdan alıp Awrupa Berlegenä, Rusiyä-Ukraina suğışınnan alıp Yaqın Könçığış, Urta diñgez, migraŝiya häm Könçığış-Könbatış mönäsäbätlärenä qadär şaqtıy global’ tigezlämägä täêsir itäçäk. Şunıñ öçen küp kenä il liderı Ärdoğannı şunduq täbrik itep “Xezmättäşlek başqarıyq” yullamasın yasadı.

“Star” gazetı citkergänçä İlbaşı idaräseneñ êlemtä başlığı Faxrettin Altun Törkiyä ilbaşı Räcäp Tayyip Ärdoğan liderlığında “Türkiyä Ğasırı”nıñ başlanuın belderde. Altun bolay dide: “Qardäş, dus häm berlektäş illärne bu qotlı köndä köçle häm böyek Türkiyä yanında kürüdän qanäğat’ bez.”

“Sabah” basması xäbärenä kürä Törkiyä ilbaşı Räcäp Tayyip Ärdoğannıñ saylawda ciñüe êş dön’yasın da şatlandırdı. Êş dön’yası wäkilläre: “Millät iminlek häm totrıqlılıq öçen tawış birde. Bilgesezlek çorı uzdı. Yaña çor “Türkiyä Ğasırı” bulaçaq,” – dide.

“Vatan” gazetı yazğança Qazna häm finans ministrı Nureddin Nebati Tvitterda açıqlaw yasap tübändägeçä citkerde: “İqtisadi ışanıç indeksı may ayında annan aldağı ay belän çağıştırğanda 1,5 oçkoğa artıp, 103,7 buldı häm soñğı 20 aynıñ iñ yuğarı däräcäsenä citte.”