Törek matbuğatına küzätü 07.04.2023

“Hürriyet” gazetı yazğança İzrailneñ tönlä Ğazzägä başlatqan höcümenä säyäsätçelär reakŝiya kürsätte. Parlament başlığı Mostafa Şentop: “İzrailneñ bu keşeleksez häm xoquqsız höcümen qırıs räweştä lägnätlim,” – dide. İlbaşı idaräse süzçese İbrahim Kalın höcümne lägnätläp: “İzrail xökümäte qırıslıq säyäsäten şunduq beterergä tiyeş,” – dide. Ğadellek häm üseş partiyase ğomum başlığı wäkile Numan Kurtulmuş isä bolay dip belderde: “Ğayepläwdän tış terror däwläte bulğan İzrailne tiz räweştä tuqtatırğa kiräk!”

“Vatan” basması beldergänçä Milli saqlanu ministrı Hulusi Akar Amerika Quşma Ştatlarınıñ Saqlanu ministrı Lloyd Djeyms Ostin belän telefonnan söyläşte. Ministr Akar söyläşüdä cir teträw fäläkätennän soñ AQŞ kürsätkän yärdäm häm yärdämläşüe öçen räxmäten belderde. Ministr şulay uq NATOnıñ Açıq işek säyäsäten härwaqıt xuplawın, Finlyandiya äğzalegeneñ monı tağın ber tapqır kürsätüen häm ozaqlamıy Şveŝiyaneñ dä yöklämälären cirenä citkerüen ömet itüen assızıqladı.

“Sabah” gazetı xäbärenä kürä Törkiyä ilbaşı Räcäp Tayyip Ärdoğannıñ xäläl cefete Äminä Ärdoğannıñ ximayasında alıp barıluçı “Qaldıqsız tormış” proyektınıñ ilham birüçe xikäyäse kitapka äylände. Kitapnıñ kereş süzendä Äminä Ärdoğannıñ: “Balalarıbıznıñ, onıqlarıbıznıñ dön’yası yuqqa çığa. Berebez dä bu barışqa bitaraf qala almıybız,” – digän süzläre urın ala.

“Star” basması citkergänçä Yäş’lär häm sport ministrı Mäxmät Muharrem Kasapoğlu 2028 häm 2032dä oyıştırılaçaq Awrupa futbol çempionatların uzdıru öçen Türkiyäneñ kandidatlık dos’yesına qul quydı.

“Yeni Şafak” gazetı yazğança Türkiyäneñ iñ zur xärbi köymäse bulaçaq TCG Anadolu düşämbe könne Diñgez köçläre komandirlığına tapşırılaçaq. TCG Anadolu östenä urnaştırılaçaq qorallı keşesez hawa apparatları belän törek flotı öçen möhim köç faktorı bulaçaq.