Törek matbuğatına küzätü 5.04.2023
5nçe aprel'dä çıqqan qayber törek gazetlarına küzätü
“Yenişafak” gazetı Ärdoğannıñ mäşhür “Dön’ya 5tän böyek” digän süzlären alğı planğa çığara.
Türkiyä ilbaşı Räcäp Tayyip Ärdoğan Ğadellek häm Üseş partiyäseneñ iftar cıyınında “Dön’ya 5tän böyek” süzlären yañartıp: “Keşelekneñ yazmışın 5 däwlätneñ ike irene arasında totuçı xäzerge tärtip däwam itä almıy,”-dide.
“Star” gazetı ministr Akarnıñ süzläre belän:”Êgey häm Urta diñgezneñ çınnan da duslıq diñgeze buluın telibez” dip yaza.
Türkiyä milli saqlanu ministrı Xulusi Akar çaqıru buyınça Xatayğa kilgän Greśiyä saqlanu ministrı Nikolaos Panayotopulos belän bergä matbuğat cıyılışı ütkärde häm ike aradağı problemalarnı dustanä xäl itärgä teläwlären citkerde.
“Vatan” gazetı mart ayı êksportı turında xäbär itä.
Türkiyä säwdä ministrı Mäxmät Muş: “Cir teträwneñ citeşterü häm täêminatta kiterep çığarğan tiskäre yoğıntısına qaramastan, mart ayında êksportıbız 4,4%qa arttı häm 23,6 miliard dollarğa citte. Bu barlıq waqıtlarnıñ iñ yuğarı aylıq êksport kürsätkeçe,”-dide.
“Hürriyet” gazetı Äliyevnıñ Toggnı qabul itep aluı turında yaza.
Türkiyäneñ cirle häm milli avtomobile Toggnı Azärbaycan ilbaşı İlham Äliyevqa sänäğat’ häm texnologiyä ministrı Mostafa Varank tapşırdı. Ul maşinanı ilbaşı Ärdoğannan soñ alğan ikençe keşe buldı.
“Sabah” gazetı turizmdağı yañalıqlarnı citkerä.
Urta diñgez turistik qunaqxanälär häm operatorlar assośiaśiyäse citäkçese Kaan Kaşif Kavaloğlu Germaniyä häm Angliyä bazarlarında 3 aylıq çorda rekordlar yılı bulğan 2019nçı yılnıñ kürsätkeçläre uzuın häm 50% tiräse üseş küzätelüen belderde.
