Törek matbuğatına küzätü 28.03.2023
28nçe mart könne çıqqan qayber törek gazetlarına küzätü
“Star” gazetı Türkiyäneñ Franśiyägä reakśiyä belderüe turında yaza.
Franśiyäneñ Änkaradağı ilçese Xerve Margo terrorçı oyışma PKK/YPG äğ’zalarınıñ Franśiyä senatında qunaq itelüe häm medal’ aluı säbäple tışqı êşlär ministrlığına çaqırıldı. İlçegä terrorçı oyışma PKKnıñ Süriyädäge däwamçısı YPG häm anıñ xatın-qızlar bülege YPJ äğ’zalarınıñ Franśiyä senatına çaqırıluı häm maqtaw medale belän büläklänüeneñ Türkiyä tarafınnan qabul itelmäwe häm köçle ğayeplänüe assızıqlandı.
“Vatan” gazetı Akarnıñ “Çik buyınnan qaçaq ütügä yul quymıybız” digän belderüe belän urtaqlaşa.
Türkiyä milli saqlanu ministrı Xulusi Akar cir teträwdän soñ 60 meñ süriyäleneñ üz teläkläre belän illärenä qaytıp kitüen äytep: “Çiklärdän bernindi qaçaq ütügä berqayçan da röxsät itmibez, mondıy xäl mömkin tügel,”-dide.
“Yenişafak” gazetı Bayraktar TB3lär turında yaza
Türkiyä sänäğat’ häm texnologiyä ministrı Mostafa Varank Bayraktar TB3 belän bäyle belderüendä bolay dide: “Türkiyä flotınıñ iñ zur xärbi korabı, dön’yanıñ isä täwge dron korabı bulaçaq ANADOLUdan kütärelä häm kire töşep utıra aluçı Bayraktar TB3lär Türkiyägä strategik östenlek biräçäk”.
“Hürriyet” gazetı ANKA häm ULAK turında citkerä.
Türkiyä saqlanu sänäğate idaräse milli baza stanśiyäse ULAKnıñ keşesez hawa apparatı ANKA belän berläşterelep täwge tapqır 4.5G xezmäte birelüen belderde.
“Sabah” gazetı citkergänçä, Türkiyäneñ diñgez äkäm-tökäme êksportı artqan.
Türkiyädän ağımdağı yılnıñ ğıynvar-fevral’ çorında diñgez äkäm-tökäme êksportı, uzğan yılnıñ şul uq çorı belän çağıştırğanda, 62%qa arttı häm 3 million 279 meñ dollardan kübräk kerem kiterde.
