Төрeк мaтбугaтынa күзәтү - Törek matbuğatına küzätü 27.03.2023

“Star” gazetı: “Ärdoğan: “Maqsatıbız 1 yıl êçendä cirteträw töbägen torğızu””

İlbaşı Räcäp Tayyip Ärdoğan: “Maqsatıbız 1 yıl êçendä asqorması belän, sośial’ häm säwdä berämlekläre belän 319 meñ toraq, cämğıse 650 meñ toraq salıp, zilzilä töbägen torğızu,” – dip äytte.

“Xäbär Türk” gazetı: “Ärdoğannan berlek-berdämlek yullaması”

İlbaşı Ärdoğan millätneñ bergälek, berdämlek, qardäşlek sıyfatlarınıñ ni qadär köçle buluın soñğı cirteträw fälakätendä tağın ber qat kürülärenä basım yasadı. Ärdoğan: “Dus häm qardäş illär belän bergä xalıqara yärdämnärne dä hiç onıtmayaçaqbız,” – dide.

“Xörriyät” gazetı: “Ministr Kurum: “Yaña şähärçelek dastanın yazaçaqbız””

Moxitnı saqlaw, şähär tözeleşe häm klimat üzgäreşläre ministrı Murat Kurum: “Cirteträw töbägendä xäzergä çaqlı 53 meñ 830 toraqnıñ tözelü barışın başlattıq. 22 meñ 467eseneñ nigezen saldıq. Yañartu häm torğızu barışıbız belän 11 vilayätebezdä yaña şähärçelek dastanın yazaçaqbız,” – dip belderde.

“Yäni Şafak” gazetı: “Çavuşoğlu belän Guterreş telefonnan söyläşte”

Tışqı êşlär ministrı Mäwlüt Çavuşoğlu häm Berläşkän Millätlär Oyışması Ğomum särkätibe Antonio Guterreş telefonnan söyläşte. Tışqı êşlär ministrlığınnan yasalğan belderügä kürä, Çavuşoğlu häm Guterreş "Qaldıqsız tormış” iniśiativasın häm İstanbul aşlıq kileşüen söyläşte.

“Watan” gazetı: “Diyanät êşläre başlığı Ärbaştan daniyalılarğa çaqıru”

Diyanät êşläre başlığı Ali Ärbaş Daniyada Qor’än-ı Kärimgä häm törek bayrağına qarşı yasalğan höcüm belän bäyle bularaq daniyalılarğa çaqıru yasadı. Ali Ärbaş: “Äy, daniyalılar, küpme keşe Qor’än yärdämendä naçarlıqlardan çitläşep yaxşılardan buldı. Törek bayrağı da üze öçen şähit buluçılarnıñ qanınıñ tösen aldı. Äydägez, Qor’änne uqıp häm törek bayrağın tanıp arağızdağı naçarlarğa iñ zur cawapnı biregez,” – dip äytte.