Törek matbuğatına küzätü 20.03.2023
Qayber törek basmalarına küzätü
“Yeni Şafak” gazetı yazğança Törkiyä ilbaşı Räcäp Tayyip Ärdoğan Balıkesirneñ Bandırma rayonında Türkiyäneñ berençe bor karbidı citeşterü qorılmasın açu tantanasında bolay dip citkerde: “Bu qorılma yärdämendä Türkiyä iyä bulğan bor yatmasınıñ östämä qıymmäten genä arttırmayaçaq, şul uq waqıtta ilebez dön’yanıñ iñ qatı öçençe materialın citeşterüdä häm satışında möhim aktyerğa äylänä, dön’yada süz iyäse bulğan illär arasında keräbez.”
“Star” basması beldergänçä Türkiyäneñ Ênergetika häm tabiğıy çığanaqlar ministrı Fatix Dönmez Qara diñgez gazın aktivlaştıru belän bäyle bularaq: “Aprel’ azağında Qara diñgez gazın yandraçaqbız,” – dide.
“Habertürk” gazetı citkergänçä 6 fevral’ könne barlıqqa kilgän Kahramanmaraştağı cir teträwlärdän soñ kürsätelgän dön’yaküläm yärdämläşü belän bäyle bularaq İlbaşı idaräseneñ êlemtä räislege tarafınnan xalıqara cämäğat’çelekkä qarata “Bez sineñ belän, Türkiyä” isemle kampaniya başlatıldı.
“Hürriyet” basması xäbärenä kürä CNN Greŝiya kanalı angardan çıqqan Türkiyäneñ ğorurlığı bulğan Milli suğış oçqıçınıñ Afina citäkçelegen borçuğa saluçı täraqqıyät’ buluın belderep bolay dip açıqladı: “Türkiyä bik möhim närsäne isbatladı. İl bar närsägä qaramastan xärbi oçqıç prototibın yasıy aldı häm anı bik äz il kebek qamilläşterde.”
“Sabah” gazetı yazğança cirle avtomobil’ Toggnıñ berençe modele T10X zakazda rekord quydı. T10Xka berençe 24 säğat’tä 22 meñ 150, 30 sägät’tä isä 29 meñ zakaz kilde. Şul räweşle 11 yılda satıluçı êlektrlı avtomobil’ sanı ber täwlektä 2 tapqırğa diyärlek arttı.
