Törek matbuğatına küzätü 17.03.2023
Qayber törek basmalarına küzätü
“Habär Türk” gazetı yazğança Ğadellek häm üseş partiyase belän Millätçe xäräkät partiyaseneñ Türkiyä Böyek Millät Mäclesendäge törkemnäre Räcäp Tayyip Ärdoğannıñ ilbaşı namzäte bularaq kürsätelüe belän bäyle törkem qararı qabul itte.
“Hürriyät” basması beldergänçä Türkiyä ilbaşı Räcäp Tayyip Ärdoğan Törki Däwlätlär oyışmasınıñ sammitında törki dön’ya liderlarına möräcäğat’ itte. 6 fevral’ könge cir teräwlärdä törki dön’yanıñ yärdämgä berençe itep aşqınuçılar arasında buluın beldergän Ärdoğan: “Ğaziz xalqıbız bu yärdämne berqayçan da onıtmayaçaq,” – dide.
“Star” gazetı xäbärenä kürä Törkiyä ilbaşı Räcäp Tayyip Ärdoğan Rusiyä häm Ukraina tarafların söyläşü östälenä qabat qaytaru tırışlıqların azağına qadär däwam itteräçäkläen citkerde. Rusiyä prezidentı Vladimir Putin häm Ukraina däwlät başlığı Vladimir Zelenskiy belän söyläşep toruların assızıqlağan Ärdoğan bolay dip belderde: “Bez aradaşçı bulğan Qara diñgez aşlıq kileşüe häm kiñ qırlı äsir belän almaşu taraflarnıñ urtaq nigezdä oçraşa alaçağın kürsätte.”
“Yäni Şafak” basması citkergänçä Törki däwlätlär oyışması sammitında açıqlaw yasağan Azärbaycan prezidentı İlham Äliyev Türkiyäneñ töbäktä genä tügel, ä bar dön’yada süze ütüçe ilgä äylänüen, şul uq waqıtta köç üzäge buluın äytte.
“Sabah” gazetı yazğança Türkiyäneñ êlektrlı avtomobile Toggnıñ berençe modele T10X, C-SUV Qıtay, Kön’yaq Koreya häm Awrupalı markalar da aralarında bulğan modellär belän segmentındağı qalğan êlektrlı avtomobil’lärne diapazon, êlektr belän täêmin itü häm bäyä yağınnan uzıp kitte. Togg T10X kokpitındağı êkranınnan öydäge smart könküreş äyberlärne qullanıp bula. Şulay uq säyäxät plannarın yasaw häm internetta äyber satıp alu mömkinlekläre dä bar.
