Törek matbuğatına küzätü 24.02.2023

“Hürriyet” gazetı yazğança Tirä-yaq moxit, şähär tözeleşe häm klimat üzgäreşe ministrı Murat Kurum Kahramanmaraştağı cir teträwlärdä 164 321 binanıñ zur zıyan kürüen belderde. 1 yıl êçendä toraqlarnıñ tözeläçägen assızıqlağan ministr Kurum: “200 meñ toraq proyektın belgeçlärebez belän alıp barabız,” – dide.

“Star” basması beldergänçä Afät häm ğadättän tış xällär belän idarä itü räislege AFAD cir teträwlärdä zıyan kürgän vilayät’lärdä 329 382 çatırnıñ qorıluın belderde. Töbäktä berençe êtapta 100 meñ konteyner da qorıla başladı.

“Haber Türk” gazetı xäbärenä kürä Oskar büläge iyäse aktrisa Keyt Winslet 11 vilayät’ne teträtkän Kahramanmaraştağı cir teträwlärdän soñ zıyan kürüçelär öçen êşkä kereşte. Tanılğan aktrisa soŝial’ säxifädäge akkauntında afättä zıyan kürüçelär öçen yärdäm soradı. Winslet: “Zinhar, ni qadär birä alsağız, biregez. Ber tiyen dä tormış qotqaru öçen bik möhim,” – dide.

“Yeni Şafak” basması citkergänçä Yäş’lär häm sport ministrlığı Türkiyä Futbol Federaŝiyase häm Klublar berlege waqıfı citäkçelegendä oçraşaçaq sport cämğıyäte cir teträwlardä zıyan kürüçelär öçen urtaq yärdäm kampaniyase oyıştıraçaq. 1 mart çärşämbe könne uzaçaq yärdäm kampaniyase barlıq sport kanallarında tapşırılaçaq.

“Sabah” gazetı yazğança Türkiyä Cömhüriyäte Üzäk Bankı säyäsät proŝentın 9dan 8 yarımğa kimette. Üzäk Bankı proŝent stavkaların 50 ballğa kimetep, Kahramanmaraşta barlıqqa kilgän “Ğasır fäläkäte” bulğan zilzilälärneñ iqtisadka däwamlı täêsire bulmayaçağın küzalladı.