Төрeк мaтбугaтынa күзәтү - Törek matbuğatına küzätü 23.02.2023
23нчe февральдә бaсылып чыккaн кaйбeр төрeк гaзeтлaрынa күзәтү / 23nçe fevraldä basılıp çıqqan qayber törek gazetlarına küzätü
“Star” gazetı: “Çavuşoğlu: “Bik küp şähärne yañadan töziyäçäkbez””
Tışqı êşlär ministrı Mäwlüt Çavuşoğlu kiçä yasağan belderüendä Kahramanmaraştağı cirteträwlärdän soñ bik küp şähärne yañadan töziyäçäklären äytte. Çavuşoğlu xalıqara cämäğätçelekneñ şuşı köngä qadär kürsätkän yärdäm öçen räxmätlären dä belderde.
“Xäbär Türk” gazetı: “Germaniya ministrları Kahramanmaraşta”
Germaniya tışqı êşlär ministrı Annalena Berbok belän êçke êşlär ministrı Nênsi Fezer kiçä cirteträwlärneñ êpiśentrı Kahramanmaraşnıñ Pazarcık ilçäsendä (rayonında) buldı. Berbok: "Bu cirteträw fäläqäteneñ zurlığın biredä bulsağız da xätta süzlär belän çağıldırıp bulmıy,” – dip äytte.
“Xörriyät” gazetı: "“Baykar”nıñ keşesez hawa apparatları zilzilä töbägendä 1 meñ 914 säğät 19 minut oçtı”
Kahramanmaraş êpiśentrlı cirteträwlärdän soñ “Baykar”nıñ keşesez hawa apparatı (İHA) häm keşesez qorallı hawa apparatları (SİHA) cirteträw töbägendä 1 meñ 914 säğät 19 minut oçtı. Zıyannı bilgeläw, iminlek, êzläw-qotqaru, tiz kartografiya êşlären başqarğan keşesez hawa apparatlarınıñ oçış wazıyfaları däwam itä.
“Yäni Şafak” gazetı: “Dön’ya matbuğatında iğ’tibarnı cälep itüçe cirteträw analizı”
Dön’ya tarixınıñ iñ zur cirteträw fäläqätlärennän bersen yäşägän Türkiyä öçen bik küp illär ber yöräk, berdäm buldı. Mäs’älä belän bäyle analizın urnaştırğan “Al Jazeera” şuşı xalıqara bağlanışnıñ Türkiyäneñ yıllar buyı uñışlı räweştä alıp barğan "yärdäm diplomatiyası”nıñ näticäse buluın belderde.
“Sabah” gazetı: “Qaharman êt Proteonıñ iseme uram xayvannarı üzägendä yäşäyäçäk”
Kahramanmaraş êpiśentrlı cirteträwlärdän täêsirlängän Adıyamanda êzläw-qotqaru êşçänlegendä wazıyfa başqarğan çaqta ülgän Meksika törkemendäge Proteo isemle êtneñ iseme Kocaälineñ Başiskälä cirle xakimiyäteneñ uram xayvannarı öçen yasattırğan reabilitaśiya üzägenä birelde.
