Törek matbuğatına küzätü 22.02.2023
Qayber törek basmalarına küzätü
“Vatan” gazetı yazğança Türkiyä ilbaşı Räcäp Tayyip Ärdoğan cir teträw küzätelgän Osmaniye häm Gaziantepka yasağan säfärendä barlıq mömkinleklärne qullanuların äytep: “Şähärlärebez kebek awıllarıbıznı da 1 yıl êçendä ayaqqa bastırun maqsat itäbez. İzmirdäge cir teträwdän soñ niçek itep İzmirne tözekländergän bulsaq, bu xaqimiyät xäzer 11 vilayätebezdä bu qıyınlıqlardan tiz waqıtta uzaçaq,” – dide.
“Habertürk” basması beldergänçä Milli saqlanu ministrı Hulusi Akar ğasır fäläkätennän soñ Türkiyägä Süriyädän qaçaq ağımınıñ buluı turındağı süzlärneñ çınlıqqa turı kilmäwen belderep: “Ber yaqlı bularaq Türkiyädän Süriyägä öylärenä häm cirlärenä qaytqan süriyäle watandaşlar da bar. Xäzerge waqıtta bu san 20 meñnän arttı,” – dide.
“Sabah” gazetı xäbärenä kürä Berläşkän Millätlär Oyışması äğza illärne cir teträwlärdän soñ Türkiyä häm Süriyä öçen başlatılğan yärdäm kampaniyasenä tağın da tizräk öleş kertergä çaqırdı.
“Star” basması citkergänçä Bötendön’ya Säwdä oyışmasınıñ räsmi bulmağan ğomum şura cıyılışında Türkiyädäge zilzilälärdä ğomere özelüçelär öçen ber minutlıq tınlıq urnaştırıldı.
“Yenişafak” gazetı yazğança “Räsmi Gazet”ta açıqlanğan qararğa kürä Türkiyä Neft’läre akŝionerlık cämğıyätenä Diyarbakır, Şanlıurfa, Elazığ, Antalya, Adıyaman, Gaziantep, Kilis häm Kahramanmaraşta 15 mäydan öçen neft’ ezläw röxsäte birelde.
