Төрeк мaтбугaтынa күзәтү - Törek matbuğatına küzätü 21.02.2023
21нчe февральдә бaсылып чыккaн кaйбeр төрeк гaзeтлaрынa күзәтү / 21nçe fevraldä basılıp çıqqan qayber törek gazetlarına küzätü
“Yäni Şafak” gazetı: “Ärdoğan: “Şähärlärebezne yañadan torğızaçaqbız””
İlbaşı Räcäp Tayyip Ärdoğan / cirteträwdän täêsirlängän Hatayğa bardı. Ärdoğan şähärlärneñ barısın da / toraqları, êş urınnarı, sänäğäte, awıl xucalığı, tarixi häm mädäni qıymmätläre belän bergä yañadan torğızaçaqların belderde. Ärdoğan: “Hiçber watandaşıbıznı / tormışnı yañadan cayğa salu häm kiläçägen tözü omtıluında hiç yalğız qaldırmayaçaqbız,” – dide.
“Sabah” gazetı: “Töreklär tiz ayaqqa basa”
Kahramanmaraş êpiśentrlı cirteträwlärdän soñ xalıqara yärdäm mobilizaśiyası tuqtawsız däwam itä. Yärdämgä aşıqqan çit il törkemnäre / häm Türkiyäneñ tiz torğızıluın häm dä törek xalqınıñ qunaqçıllığın yuğarı bäyäli. Türkiyägä kilgän Paqıstan “Al Khidmat” waqıfı törkemennän Sarfaraz Shaikh: “Töreklärneñ tiz ayaqqa basu säläte bar,” – dip äytte.
“Star” gazetı: “Greśiyadan Awrupa Berlegenä Türkiyä çaqıruı”
Greśiya tışqı êşlär ministrı Nikos Dendias / Awrupa Berlege bularaq Türkiyägä yärdäm kürsätelüeneñ zarurlığın belderde. Dendias / Kahramanmaraş êpiśentrlı cirteträwlär belän bäyle bularaq: “Berençe tapqır kürengän, bik zur fäläqät bu. Bik zur yärdäm häm bulışlıq kiräk,” – dide.
“Xörriyät” gazetı: “Çavuşoğlu: “F-16 barışınıñ tiz tämamlanuı ike yaq öçen dä faydalı”
Amerikalı wazıyfadaşı Êntoni Blinken belän başqala Änkarada urtaq matbuğat oçraşuın oyıştırğan Tışqı êşlär ministrı Mäwlüt Çavuşoğlu “F-16” xärbi oçqıç täêminatı mäs’äläsendä Amerika Quşma Ştatları citäkçelegeneñ taläpne xuplawın belderde häm barışnıñ tiz tämamlanuınıñ ike yaq öçen dä faydalı buluın iskärtep uzdı.
“Watan” gazetı: “İstanbul aêroportı – Awrupanıñ iñ başında”
İstanbul aêroportı – 13nçe-19nçı fevral’ könnärendä könenä ber meñ 280 oçış belän Awrupanıñ iñ tığız hawa mäydanı buldı. İstanbul aêroportınnan soñ könenä yaqınça ber meñ 152 oçış belän London Heathrow hawa mäydanı ikençe, Parij Charles de Gaulle aêroportı ber meñ 121 oçış belän öçençe, Amsterdam hawa alanı ber meñ 51 oçış belän dürtençe, Madrid hawa mäydanı 993 oçış belän bişençe urında tora.
