Törek matbuğatına küzätü 20.02.2023
20nçe fevral' könne çıqqan qayber törek gazetlarına küzätü
“Star” gazetı dön’ya liderlarınıñ ilbaşı Ärdoğanğa qayğı urtaqlaşıp şaltıratuların citkerä
Bolgariyä, Mal’ta, Albaniya liderları häm Bosniya-Gerśegovinanıñ elekkege däwlät citäkçelege apparatı äğ’zası Bakir İzzätbegoviç Türkiyä ilbaşı Räcäp Tayyip Ärdoğanğa telefonnan şaltıratıp cir teträw nisbätennän qayğı urtaqlaştı.
“Haber Türk” gazetı Blinken häm Çavuşoğlunıñ afät töbägenä baruı turında yaza
Türkiyä tışqı êşlär ministrı Mäwlet Çavuşoğlu häm AQŞ däwlät särqatibe Êntoni Blinken kiçä Kaxramanmaraş zilzilälärennän zıyan kürgän Xataynı hawadan küzätte.
“Hürriyet” gazetı ministr Kocanıñ töbäktä nindi dä bulsa kizü xastalıqları açıqlanmawı turındağı belderüenä urın birä.
Türkiyä sälamätlek saqlaw ministrı Fäxretdin Koca afät töbägendä yoğışlı awıru kürsätkeçläre häm analizların daimi küzätep baruların äytte. “Bu qısalarda bügengä qadär bernindi kizü kürenmäde,”-dide ul.
“Sabah” gazetı “Kapgan vitrinağa çığa” dip yaza.
Törek saqlanu sänäğate qul astında yasalğan keşesez hawa aparatı Kangan Abu-Dabida oyıştırılaçaq İDEX xalıqara saqlanu kürgäzmäse häm konfereniyäse qısalarında täwge tapqır çit ildä êkspoziśiyägä quyılaçaq.
“Vatan” gazetı “Türkiyäneñ Farsı qultığı illärenä êksportı arttı” dip xäbär itä.
Türkiyäneñ älege däwlätlärgä êksport kürsätkeçläre ğıynvarda uzğan yılnıñ şul uq çorı belän çağıştırğanda, 16,1%qa artıp 1 milliard 431 million dollar täşkil itte.
