Törek matbuğatına küzätü 17.02.2023
Qayber törek basmalarına küzätü
“Vatan” gazetı yazğança “Ğasır fäläkäte” bulğan Kahramanmaraştağı cir teträwlärdän 12 könnän soñ Hataynıñ Odabaşı mäxälläsendäge ber bina cimereklärennän 26 yäş’lek Mehmet Ali Şakiroğlu häm 34 yäş’lek Mostafa Avcı qotqarıldı.
“Star” basması beldergänçä Kahramanmaraştağı afättän 11 könnän soñ êzläw-qotqaru törkemnäre tarafınnan cimereklär astınnan çığarılğan 17 yäş’lek Aleynanıñ sälamätlege tabiblarnı ğacäpkä qaldırdı. İngliz “Daily Mail” gazetı yäş’ qıznıñ 248 sägät’tän soñ xäräbälärdän çığarıluı xäbären “Işanırlıq tügel” süzläre belän uquçılarına citkerde.
“Haber Türk” gazetı citkergänçä Türkiyäne teträtkän cir teträwlärdän soñ NATO Ğomum särqätibe Yens Stoltenberg Türkiyägä kilde. Tışqı êşlär ministrı Mäwlüt Çavuşoğlu belän küreşkän Stoltenberg: “Bu - ittifaq cirlärendä barlıqqa kilgän iñ zur afät. NATO berlektäşläre yärdäm häm xuplaw kürsätergä däwam itäçäk,” – dide.
“Sabah” basması xäbärenä kürä Türkiyäneñ tışqı êşlär ministrı Mäwlüt Çavuşoğlu NATO ğomum särqätibe Yens Stoltenberg belän Tışqı êşlär ministrlığındağı söyläşüdän soñ oyıştırılğan matbuğat oçraşuında çığış yasadı. Ministr Çavuşoğlu Kahramanmaratağı zilzilälär belän bäyle bularaq NATO Şurasınıñ 3 meñ keşe öçen konteyner häm çatır cibärü qararın qabul itüen açıqladı.
“Hürriyet” gazetı yazğança Mäwlüt Çavuşoğlu Şveŝiya häm Finlyandiyaneñ NATOğa äğzalekläre belän bäyle bularaq tübändägeçä citkerde: “NATOnıñ kiñäyüe yaqlı bez läkin här ike il adımnar yasarğa tiyeş häm ayıruça Şveŝiya.” Çavuşoğlu Şveŝiyadäge Qor’än-i Kärim provokaŝiyase häm separatist PKK/YPG terror oyışması tarafdarlarınıñ ğamällärenä işarät itep: “Bu ber dä yaxşı bulmadı,” – dide.
