Törek matbuğatına küzätü 16.02.2023

“Yeni Şafak” gazetı yazğança Türkiyä “Ğasır fäläkäte” yaraların beterü öçen ber yöräk buldı. Televideniye kanallarınıñ urtaq turıdan-turı tapşıruında oyıştırılğan “Türkiyä – ber yöräk” isemle kampaniyada cir teträwdä zıyan kürüçelär öçen 115 milliard liradan artıq yärdäm cıyıldı.

“Xäbär Türk” basması beldergänçä Türkiyäneñ yörägendä tirän yaralar açqan, soñğı ğasırnıñ iñ zur cir teträw fäläkäte küzätelgän bu könnärdä barlıq televideniye kanalları yärdäm öçen urtaq tapşıruda oçraştı. Sänğat’, êş häm sport dön’yasınıñ aldınğı isemnäre häm xalıq zilzilälärdä zıyan kürüçelärgä yärdäm qulın suzdı. İñ zur yärdämne 30 milliard lira beläñ Üzäk bankı yasadı. Yärdäm küläme 115 milliard 146 million 528 meñ lirağa, cibärelgän SMS sanı isä 9 million 10 meñgä citte.

“Sabah” gazetı xäbärenä kürä Kahramanmaraşta barlıqqa kilgän cir teträwlärdä meñnärçä öy häm êş urını da qullanılmas xälgä kilde. Bar dön’ya “Ğasır fäläkäte” dip atağan afättän soñ Törkiyä ilbaşı Räcäp Tayyip Ärdoğannıñ boyırığı belän töbäktä yaña toraqlar mart ayında tözelä başlanaçaq.

“Star” basması citkergänçä Türkiyädäge cir tetrawlärdän soñ dön’yanıñ här poçmağınnan kilgän törkemnär afät urınnarında êzläw-qotqaru êşçänleklärendä qatnaşa. Ukrainanıñ qotqaru törkeme şefı Konstantin Silayev zilzilä töbägenä yärdämgä kilüläre belän bäyle bularaq bolay dide: “Törkiyäneñ Rusiya-Ukraina suğışında bezgä kürsätkän yärdäme häm xuplawı öçen bu räweşle räxmät belderäbez. Keçkenä räxmät.”

“Hürriyet” gazetı yazğança Türkiyäneñ tışqı êşlär ministrı Mäwlüt Çavuşoğlu Ärmänstanlı wazıyfadaşı Ararat Mirzoyan belän Änkarada oyıştırğan urtaq matbuğat oçraşuında ike il arasındağı mönäsäbätlärneñ cayğa salınuına iğtibar cälep itep: “Bu yärdämläşüebezne däwam itterü zarur. Kön’yaq Kavkazda normal’läşü barışı däwam itä,” – dide.