Төрeк мaтбугaтынa күзәтү - Törek matbuğatına küzätü 15.02.2023
15нчe февральдә бaсылып чыккaн кaйбeр төрeк гaзeтлaрынa күзәтү / 15nçe fevraldä basılıp çıqqan qayber törek gazetlarına küzätü
“Xäbär Türk” gazetı: "Ärdoğan: “Millätem belän bergä başqarıp çığaçaqbız”"
İlbaşı Räcäp Tayyip Ärdoğan Kahramanmaraşta 6nçı fevral’dä barlıqqa kilgän cirteträwlär belän bäyle bularaq kiçä yasağan belderüendä: "Bügengä çaqlı bulğanı kebek monnan soñ da millätem belän bergä başqarıp çığaçaqbız,” – dip äytte.
“Star” gazetı: "Çavuşoğlu: “Türkiyägä berençe bulıp yärdäm cibärgän illärdän berse buldı”"
Tışqı êşlär ministrı Mäwlüt Çavuşoğlu, Kahramanmaraş êpiśentrlı cirteträwlärdän soñ Türkiyägä berençe bulıp yärdäm cibärgän illärdän berseneñ İzrail buluın belderep, şuşı awır çaqta kürsätkän teläktäşlek häm yärdäm öçen İzrail däwlätenä häm xalqına räxmäten citkerde.
“Xörriyät” gazetı: "AQŞ däwlät departamentı: “Cirteträw barı tik Süriyä häm Türkiyägä genä tügel, dönyağa täêsir itte”"
Amerika Quşma Ştatları däwlät departamentı süzçese Ned Prays, Kahramanmaraşta barlıqqa kilgän cirteträwlärneñ köçenä tuqtalıp uzıp: “Cimereklärgä häm keşe ğomereneñ özelüenä qarağan çaqta bu cirteträwneñ barı tik Süriyä belän Türkiyägä genä tügel, böten dönyağa täêsir itüen küräbez,” – dip äytte.
“Watan” gazetı: "Stoltenberg: “Türkiyädäge cirteträwlärneñ näticäse barıbıznı qurqıttı”"
NATO Ğomum särkätibe Yens Stoltenberg kiçä yasağan belderüendä Kahramanmaraştağı cirteträwlär belän bäyle bularaq: “Türkiyädäge cirteträwlärneñ näticäse barıbıznı qurqıttı. NATO berlektäşläre Türkiyägä möhim yärdäm kürsätä. Bu yärdämneñ däwam itüe häm teläktäşlek êçendä buluıbız, Türkiyägä bulışlıq itüebezneñ däwam itüe kiräk,” – dip basım yasadı.
“Sabah” gazetı: "Bötendönya sälamätlek saqlaw oyışmasınnan añlatma"
Bötendönya sälamätlek saqlaw oyışmasınıñ Awrupa direktorı Hans Kluge Kahramanmaraş êpiśentrlı cirteträwlär öçen "Bötendönya salamätlek oyışması bularaq Awrupada ğasırnıñ iñ naçar tabiğät’ afätenä şahit bulabız,” – dip äytte.
