Törek matbuğatına küzätü 14.02.2023

“Yenişafak” gazetı Çavuşolunıñ süriyälelär öçen qapqalar açıldı digän süzlärgä cawabın citkerä.

Türkiyä tışqı êşlär ministrı Mäwlet Çavuşoğlu Kaxramanmaraşta bulğan cir teträw säbäple Süriyädän Türkiyägä sıyınuçı ağımı kilüe turındağı söylämnärneñ nigezsez buluın belderde. “PKK, YPG kontrol’ itüçe urında qapqalarnı açu turında süz dä bulırğa mömkin tügel” dide ul.

“Hürriyet” gazetı “73 yıl uzsa da, ul yärdämne onıtmadılar” dip yaza.

Dön’ya üz tarixındağı iñ zur cir teträwlärneñ bersen kiçergän Türkiyä öçen mobilizaśiyälände. 73 yıl êlek suğış tırnaqlarındağı Kön’yaq Koreyağa ğaskärlär cibärgän Türkiyäne onıtmawçı Seuldan iğ’tibar cälep itüçe adım yasaldı. Däwlät başlığı Yun Sukyol “qan bağ’ları belän tabılğan berlektäş häm qardäş däwlät” Türkiyägä maksimal’ yärdäm itü kürsätmäse birde.

“Habertürk” gazetı NATOdan cibärelgän Türkiyägä teläktäşlek belderüen citkerä.  

NATO ğomum särqatibe Yens Stoltenberg cir teträwlär säbäple ittifaq illäreneñ Türkiyägä köçle teläktäşlek belderüen äytte.

 “Sabah” gazetı “Dön’ya kaharman şäfqat’ tutaşları turında söyli” dip yaza.

Gaziantäptä cir teträw waqıtında ber xastaxanädäge şäfqat’ tutaşlarınıñ bäbäylärne qotqaru öçen inkubatorlarğa taba yögerüe dön’yanıñ kön üzägendä buldı. Angliyäneñ “Daily Mail” gazetı “Mega zilzilädä iskitkeç şäfqat’ tutaşları bäbäylärneñ selkenüçe karawatları yığılmasın dip totıp tordı” dip yazdı.

“Star” gazetı sport dön’yasınnan teläktäşlek turında citkerä.  

Sportçılar “ğasır hälakäte” dip ataluçı Kaxramanmaraş zilzilälärennän soñ Türkiyägä teräk buldı. Çit illärdä uynawçı törek sportçıları, monnan tış, başqa mäşhür sportçılar Türkiyägä yärdäm itärgä çaqırdı. Futbolda isä trenirovkalar häm räsmi matçlardan alda 1 minutlıq tınlıq iğ’lan itelde. Aukśonda forma satu kampaniyäsendä isä bik küp tanılğan futbolçı qatnaştı.