Törek matbuğatına küzätü 02.02.2023

“Yeni Şafak” gazetı yazğança Türkiyä ilbaşı Räcäp Tayyip Ärdoğan Qor’än-i Kärimne yandıruğa-yırtuğa röxsät itkän sayın Şveŝiyaneñ NATOğa äğzalegenä “äye” dimäyäçäklären äytte. Ärdoğan kiçä açıqlaw yasap: “Finlyandiya mäs’äläsendä qaraşıbız uñay läkin Şveŝiya mäs’äläsendä tiskäre. Monı şulay belep torığız,” – dide.

“Haber Türk” basması beldergänçä Türkiyäneñ tışqı êşlär ministrı Mäwlüt Çavuşoğlu kiçä yasağan açıqlawında Şveŝiya häm Finlyandiyaneñ NATO barışı belän bäyle bularaq: “Şveŝiyadän tögäl adım kürä almadıq, Türkiyäneñ qurqınıçsızlıq borçuların añlawların kötäbez,” – diyep, Finlyandiyaneñ äğzalege mäs’äläsendä isä tübändägeçä citkerde: “NATO öç yaqlı kileşüne bülsä, Türkiyä Finlyandiya äğzalegenä tağın da uñay qarayaçaq.”

“Sabah” gazetı xäbärenä kürä Milli saqlanu ministrı Hulusi Akar Ğıyraqnıñ tön’yağına höcüm däğwası belän bäyle bularaq: “Qaywaqıt tınıçsız itülär, höcümnär bula häm bez kiräkle cawapnı härwaqıt qaytarabız,” – dide.

“Star” basması citkergänçä Bel’giyaneñ däwlät kanalı RTBF Türkiyä belän bäyle iğtibarnı cälep itüçe ber xäbär açıqladı. Xäbärdä Türkiyä ilbaşı Räcäp Tayyip Ärdoğannıñ xalıqara däräcädä möhim adımnar yasawı citkerelde. Ärdoğannıñ qalğan Awrupalı liderlardan ayırmalı bularaq uñışqa ireşüe assızıqlandı.

“Hürriyet” gazetı yazğança Türkiyäneñ “turizm başqalası” dip ataluçı Antaliyadä 2023 yılnıñ berençe ayında rekord quyıldı. ğıynwarda Antaliyağa hawa transportı belän kilgän turist sanı uzğan yıl belän çağıştırğanda 58%lık artış belän 291 647 keşe buldı.