Törek matbuğatına küzätü 30.01.2023
30 nçı ğıynwar könne basılıp çıqqan qayber törek gazetlarına küzätü
”Hürriyet” gazetı ilbaşı Ärdoğannıñ Şveśiya xaqındağı belderüen alğı planğa çığara.Türkiyä ilbaşı Räcäp Tayyip Ärdoğan Şveśiya häm Finlyandiyäneñ NATOğa kerü barışlarına tuqtalıp,”Bez Finlyandiya turında başqa törle qarar birä alabız, Şveśiya şaqqatır” dide.
“Yeni Şafak” gazetı ”Türkiyä ilbaşı sośial’ mediada iñ küp qaralıp barılğan ikençe lider” dip yaza. İtaliyädä sanlı mäğ’lümatlarnı analizlawçı waqıf tikşerenülärenä qarağanda, Türkiyä ilbaşı Räcäp Tayyip Ärdoğan sośial’ mediada iñ küp qaralğan, iñ küp küzätep barılğan liderlar arasında. Tikşerenülär kürsätkänçä, sośial’ mediada iñ küp iğ’tibar kürgän dön’ya liderları:Amerika Quşma Ştatları ilbaşı Djo Bayden, Türkiyä ilbaşı Räcäp Tayyip Ärdoğan häm Ukraina däwlät başlığı Vladimir Zelenskiy.
”Sabah” gazetı saqlanu ministrı Akarnıñ “Tınıçlıqqa öleş kertü öçen êşçänleklärebez däwam itä“ digän süzlären uquçıları belän urtaqlaşa. Türkiyä milli saqlanu ministrı Hulusi Akar Türkiyäneñ töbäk häm dön’ya tınıçlığı öçen köräşüen belderde. “Ber yaqtan çiklärebezne saqlaw häm terrorçılıqqa qarşı köräş, ikençe yaqtan Tön’yaq Kipr Törek Cömhüriyäte, azärbaycanlı, liviyäle qardäşlärebez berençe çiratta bulu belän bergä Somalida, Sudanda, Kosovoda, Bosniyada, mömkin bulğan barlıq geografiyälärdä meñlägän ğaskärebez belän bergä töbäk häm dön’ya tınıçlığına öleş kertü öçen köne-töne êşläwebezne däwam itäbez” dide Türkiyä milli saqlanu ministrı Hulusi Akar.
”Vatan” gazetı “Ukrainada Bayraktarnıñ legenda qanatları isemle dokumental’ fil’m kürsätelde” dip yaza. Ukrainanıñ “1+1” televdeniye kanalında Türkiyäneñ “Bayraktar TB2“ qorallı pilotsız oçu apparatları xaqında dokumental’ fil’m kürsätelde. Dokumental’ fil’mğa “Baykar” şirkäteneñ idarä şurası başlığı Sälçuk Bayraktar häm ğomum mödir Haluk Bayraktar belän ütkärelgän äñgämälär dä kertelgän.
“Star” basması “Maqsatıbız – makaronda 1 million 500 meñ tonna êksport başqaru” dip xäbär itä. Türkiyä uzğan yıl 160 ilgä 967 million dollar külämendä 1 million 300 meñ tonna makaron êksportladı.Tarmaq êksportnı bıyıl 1 million 500 meñ tonnağa qadär arttırunı maqsat itep quya.
