Törek matbuğatına küzätü 26.12.2022
26nçı dekabr' könne çıqqan qayber törek gazetlarına küzätü
“Yenişafak” gazetı “Franśuzlar tuyındırğan yılan üzlären çağa başladı” dip yaza.
Milli saqlanu ministrı Xulusi Akar Franśiyä başqalası Parijda bulğan höcümnän soñ terrorçı oyışma yaqlılarnıñ protestları turında: “Franśuzlar tuyındırğan yılan, alarnıñ üzlären çağa başladı. Härkem monnan soñ bu terrorçı oyışmanıñ çın yözen kürergä tiyeş,”-dide.
“Hürriyet” gazetı Kalın häm Çälikneñ Franśiyägä reakśiyäse turında citkerä.
Türkiyä ilbaşı süzçese İbrahim Kalın Twitter aşa urtaqlaşqan yazmasında PKKlı terrorçılarnıñ Parij uramnarında ut yağuın äytep Franśiyägä: “Äle haman däşmäyäçäksezme?” dip reakśiyä belderde. Ğadälät häm üseş partiyäse süzçese Ömär Çälik tä: “Terrorçı oyışmaların tuqlandıruçılar, terrorçılıq belän yözgä-yöz oçraştı” dide.
“Sabah” gazetı “Milli lazer sisteması ALKA töz bärde” dip xäbär itä.
Roketsan yasağan cirle häm milli “ALKA yünältelgän ênergiyä qoral sisteması” uzdırılğan testlar waqıtında maqsatnı töp-tögäl bärep yuq itte.
“Habertürk” gazetı “Aşlıq koridorında kürsätkeç 15 million tonnadan arttı” dip yaza.
Türkiyä transport häm asqorma ministrı Adil Karaismailoğlu 1nçe avgusttan 25nçe dekabr’gä qadär tulayım 585 korabnıñ Ukraina portlarınnan yök belän quzğaluın belderde. “Taşığan aşlıq küläme 15 million 80 meñ tonnadan arttı” dide ul.
“Vatan” gazetı 2022nçe yılda 119 meñ 817 migrantnıñ deportaśiyälänüen citkerä.
Türkiyä êçke êşlär ministrlığınıñ migraśiyä idaräse 2022nçe yılda 274 meñ 311 tärtipsez möhacirneñ Türkiyägä kerüenä yul quyılmawın häm deportaśiyälänüçelärneñ 119 meñ 817gä citüen xäbär itte.
