Törek matbuğatına küzätü 23.12.2022

“Hürriyet” gazetı yazğança Türkiyä ilbaşı Räcäp Tayyip Ärdoğan dön’yada çıqqan här krizisnıñ Türkiyäne tağın da köçäytüen belderde. Ärdoğan: “Säyäsät, diplomatiya häm iminlek ölkäsendäge uñışları yanında investiŝiya, êş belän täêmin itü, êksport belän üstergän ilebezne “Türkiyä Ğasırı” belän iñ yuğarığa çığaruda täwäkkäl bez,” – dide.

“Haber Türk” basması beldergänçä Türkiyäneñ tışqı êşlär ministrı Mäwlüt Çavuşoğlu Türkiyädän NATO äğzalegenä raslaw kötüçe läkin başta terrorçılıqqa yärdäm kürsätüne tuqtatırğa süz birgän Şveŝiya tarafında terrorda ğayeplänüçelärneñ kire tapşırıluı häm mal-mölkätlären tuñdıru mäs’äläsendä tögäl täraqqıyät’ bulmawın äytte. Çavuşoğlu: “Saqlanu sänägäte şirkätlärebez dä Şveŝiyadan qayber tovarlarnı importlawda kiräkle uñay cawapnı ala almadı,” – dide.

“Yeni Şafak” gazetı xäbärenä kürä Ğadälät häm qalqınu partiyase süzçese Ömer Çelik Ukraina-Rusiyä suğışınıñ aşlıq häm ênergiya krizisına kiterüen, köçle diplomatiyaneñ Türkiyäne möhim urınğa ireşterüen belderde. Aşlıq krizisın Türkiyäneñ çişüen assızıqlağan süzçe Çelik ênergiyada isä: “Türkiyä taratu üzäge bulaçaq,” – dide.

“Star” basması soñğı waqıttağı neft’ tabularğa işarät itkän Türkiyäneñ Ênergetika häm tabiğıy çığanaqlar ministrı Fatix Dönmezneñ süzlären uquçıları belän urtaqlaşa: “İldä neft’ citeşterü 80 meñ miçkägä kütärelde. Cömhüriyätebezneñ 100 yıllığında könenä 100 meñ miçkä neft’ citeşterü maqsatın quydıq.”

“Sabah” gazetı yazğança Türkiyä Cömhüriyät Üzäk bank tuplam rezervları 16 dekabr’ atnasında annan aldağı atnağa küä 747 million dollarğa arttı häm 129 milliard 511 million dollar belän 2015 yılnıñ ğıynwarınnan bügengä qadär iñ yuğarı däräcäsenä çıqtı.