Törek matbuğatına küzätü  22.12.2022

“Yeni Şafak” gazetı Ärdoğannıñ Afrika turındağı süzlären citkerä.

Türkiyä ilbaşı Räcäp Tayyip Ärdoğan Senegal däwlät başlığı Maki Sall belän başqala Änkarada oyıştırğan urtaq matbuğat cıyılışında Afrika belän iq’tisadi bäyläneşlärne härwaqıt ğadel, balanslı üsterü öçen tırışaçaqların häm säwdä mönäsäbätlären ike yaqnıñ da mänfäğaten küzdä totıp alıp baraçaqların äytte.

“Haber Türk” gazetı Ärdoğannıñ “Türkiyä üseş maqsatına ireşte” digän süzlären alğı planğa çığara.

İlbaşı Ärdoğan böten dön’ya krizis dılqınnarı belän köräşkändä Türkiyäneñ investiśiyä, mäşğul’lek, citeşterü, êksport, ağımdağı profiśit yulı belän üseş noqtasındağı maqsatlarına ireşüen belderde. Ul ilneñ bu yılnı 4-5% üseş belän yabaçağın äytte.

“Hürriyet” gazetı milli saqlanu ministrı Akarnıñ belderüenä urın birä.

Xulusi Akar Kipr, Êgey häm Urta diñgezdä Türkiyäneñ dialogka açıq buluın, tik üzenä zarar birüçe ber’yaqlı adımnarğa röxsät birmäyäçägen belderde. “Üzebezneñ häm Kiprdağı qardäşlärebezneñ xoquq häm mänfäğat’lären saqlaw öçen bez täwäkkäl häm qararlı, şöker, monı başqara alabız da,”-dide ul.

“Vatan” gazetı yazğança, Sälçuk Bäyraktar Qızılalmanıñ 20 yıllıq xıyalı buluın äytte.

Baykar şirkäte idaräse räise Sälçuk Bayraktar berençe oçışın başqarğan keşesez hawa apparatı Qızılalmanıñ üzeneñ 20 yıllıq xıyalı buluın belderde. Ul dronnı “Tulısınça milli häm üzgä bularaq proyıktlanıp yasalğan robot oçqıçlar” dip atıy. Bayraktar alarnıñ êçendäge cihazlardan başlap millionlağan yul programmasına qadär törek injener häm törkeme tarafınnan êşlänüen citkerä.  

“Star” gazetı NATOnıñ törek dronnarın maqtawı turında yaza.

NATOnıñ üseştäge iminlek sınawları öçen cawaplı ğomum särqatip urınbasarı Dêvid Van Vil törek dronnarınıñ suğış mäydanında zur rol’ uynawın bilgeläp uza. “Törek keşesez hawa apparatları zamança suğışlarda qullanıla ala torğan yañalıqnıñ çınnan da iñ yaxşı ürnäge,”-di ul. Vil yasalma zihenneñ kiläçäktäge suğışlarda rol’ uynayaçağın söyli.