Törek matbuğatına küzätü 20.12.2022

“Haber Türk” gazetı yazğança Türkiyä ilbaşı Räcäp Tayyip Ärdoğan xatın-qızlarğa här ölkädä pozitiv östenlek, prioritet yasap, alarnıñ xıyalların çınğa aşıruğa ähämiyät birülären äytte. Xatın-qız investorlarğa qarağan yärdäm paketın açıqlağan Ärdoğan: “Xatın-qızlarıbıznıñ demokratiya häm qalqınu iniŝiativalarında bulğanı kebek soñğı 20 yılda başqarılğan reformalarda öleşe bar. Türkiyä Ğasırın da sezneñ belän qoraçaqbız,” – dide.

“Yeni Şafak” basması beldergänçä Türkiyäneñ xalıq sanı 2021dä annan aldağı yıl belän çağıştırğanda 1 million 65 911 keşegä artıp, 84 million 680 273 keşegä kütärelde. İr-atlar sanı 2021 yılda 42 million 428 101, xatın-qızlar isä 42 million 252 172 buldı. İldä 2021dä tuğan bäbilärgä quyılğan isemnärgä küz salğanda malaylar arasında Yosıf, qızlar arasında  isä Zäynäp isemeneñ berençe urında buluı kürelde.

“Star” gazetı xäbärenä kürä terrorçılıqtan çistartılğan Şırnaknıñ Gabar tawı itäklärendäge neft’ yatmasında 5 skvajinadan könenä 5300 miçkä neft’ çığarıla. 12 skvajinanoñ da citeşterügä kereşüe belän yatmada könenä 25 meñ miçkä neft’ citeştereläçäk.

“Sabah” basması citkergänçä İlbaşı idaräseneñ êlemtä räislege başlığı Faxrettin Altun Klimat üzgäreşe belän köräş mäs’äläsendä Türkiyäneñ xalıqara ölkädä quyıluçı barlıq tırışıqlarğa uñay öleş kertüen belderde. Altun Türkiyäneñ global’ qaldıqsız tormış xäräkäteneñ liderı buluın äytte.

“Hürriyet” gazetı yazğança Birja İstanbul 100 İndeksı kiçä atnanıñ berençe êş könen 1,08 däräcälek kütärelü belän başlap cibärde. İndeks açılışta 5270 bilge buldı. Birja İstanbul 100 annarı da tarixi rekord däräcäsen 5362gä kütärde.