Törek matbuğatına küzätü 05.12.2022
Qayber törek basmalarına küzätü
“Sabah” gazetı yazğança Milli saqlanu ministrlığı Ukraina portlarınnan aşlıq çığarunıñ däwam itüen belderep, taşılğan tuplam aşlıq miqdarınıñ 13 million tonnadan artuın äytte.
“Yenişafak” basması beldergänçä Sänägät’ häm texnologiya ministrı Mostafa Varank avtomobil’ qabızu kätügen citeşterüçe şirkätneñ İzmirdağı êşxanäsenä barıp tübändägeçä citkerde: “Türkiyä êlektrifikaŝiyada aldınğı illärdän berse bulaçaq. Biredän bar dön’yağa tovarlar satıla, şulay uq Türkiyädäge citeşterüçelär dä biredän satıp ala başlayaçaq.”
“Star” gazetı xäbärenä kürä Türkiyäneñ berençe keşesez xärbi oçqıçı Bayraktar Qızıl almanı dön’ya matbuğatı yaqınnan küzätep bara. Qızıl almanıñ tügäräk kiseleşen bik yaxşı buluın citkergän dön’ya matbuğatı berençe oçışnıñ ozaqlamıy çınğa aşacağına basım yasadı.
“Xäbär türk” basması citkergänçä Türkiyäneñ törek lirası belän êksportı noyabr’da uzğan yılnıñ şul uq ayına kürä 114%ka artıp, 15 milliard 679 million lirağa citte.
“Xörriyät” gazetı yazğança Awrupadağı aêroportlar arasında xezmät kürsätkän yulçı sanı yağınnan soñğı 3 yıl buyı berençe urında bulğan İstanbul aêroportı 25 noyabr’ – 1 dekabr’ könnärendä könlek 1210 reys belän Awrupanıñ iñ tığız hawa mäydanı buldı.
