Törek matbuğatına küzätü 02.12.2022

“Xörriyät” gazetı yazğança Türkiyä ilbaşı Räcäp Tayyip Ärdoğan 2022 yılnıñ öçençe kvartalındağı üseş kürsätkeçläreneñ Türkiyäneñ döres yulda buluın kürsätüen belderde. Ärdoğan: “Bez dön’yanıñ qaysı cirenä barsaq ta, äñgämädäşlärebezgä “äydägez, bergä qazanıyq” dip äytäbez. Citeşterep, êş belän täêmin itep, êksport başqarıp, ilebezgä öleş kertergä teläwçelärne moña çaqırabız,” – dide.

“Watan” basması beldergänçä Türkiyä ilbaşı Räcäp Tayyip Ärdoğan räislegendäge İlbaşı Rezidenŝiyasendä oyıştırılğan Milli İminlek Şurası cıyılışınnan soñ açıqlanğan beldergedä tübändäge yullar urın aldı: “Töbägebezdä bernindi terror oyışmasına röxsät birmäyäçäkbez, monıñ öçen kiräkle här adımnıñ täwäkkällek belän yasalaçağı xosusı assızıqlandı.”

“Xäbär türk” gazetı xäbärenä kürä Milli saqlanu ministrı Hulusi Akar separatist PKK/KCK/YPG terror oyışmasınıñ soñğı waqıttağı tınıç xalıqqa qarağan höcümnären xäterlätep: “Berlektäş illärgä qulı qanlı terror oyışması bulğan, çiklärebez häm xalqıbızğa höcüm itüçe PKK/KCK/YPGğa säbäbe nindi bulsa da yärdäm kürsätmäwläre, bayraq häm uniformaların qullandırmawları häm qısqa waqıtta terror oyışmaları belän barlıq mönäsäbätlären özüläre xäterlätelä, kiräkle kisätülär yasala,” – dide.

“Yeni Şafak” basması citkergänçä Türkiyä Süriyäneñ tön’yağına oyıştıraçaq ixtimallı cir öste operaŝiyasennän alda Amerika Quşma Ştatları “SDG” isemle terror oyışması belän çınğa aşırğan patrul’lärne azayttı. Töbäktäge Amerikalı diplomatlar häm xärbi bulmağan personal Ğıyraqnıñ Êrbil şähärenä küçte. PKK tarqala barğanda atamannar oyışma aqçaların urlap, qaça başladı.

“Star” gazetı yazğança Türkiyä Ukraina suğışında Rusiyä häm Könbatış illäre arasında alıp barğan diplomatiya Amerikada basıluçı “Foreign Policy” jurnalında iğtibarğa layıq buldı. Jurnal Awrupalı häm AQŞlı säyäsätçelärneñ Türkiyäsez NATOnıñ ayaqta tora almayaçağı mäs’äläsendä urtaq fikerdä buluın yazdı.