Төрeк мaтбугaтынa күзәтү - Törek matbuğatına küzätü 30.11.2022
30нчы ноябрьдә бaсылып чыккaн кaйбeр төрeк гaзeтлaрынa күзәтү / 30nçı noyabrdä basılıp çıqqan qayber törek gazetlarına küzätü
“Watan” gazetı: "Ärdoğan: “Dön’ya liderlığına kütärelü yulıbız açıq"
İlbaşı Räcäp Tayyip Ärdoğan Türkiyä qunaqxanäçelär Federaśiyäseneñ 7nçe çirattağı ğomum şurasında yasağan çığışında: "Türkiyäneñ 2021nçe yılda turist sanında dönyada 4nçe, turizm keremendä 8nçe urınğa kütärelüe bıyıl tağın da yaxşıraq urınnarğa ireşä aluıbıznıñ xäbärçese. Turizmdağı köndäşlärebezneñ global’ krizislarnıñ yoğıntısı belän biyıklegen yuğaltqan şuşı çorda bezneñ, tağın da kübräk êşläp, dönya liderlığına kütärelü yulıbız açıq”, - dip äytte.
“Sabah” gazetı: "Çavuşoğlu: “Suğış bulğan çaqta da diplomatiyanı däwam itärgä bula””
Tışqı êşlär ministrı Mäwlüt Çavuşoğlu NATO tışqı êşlär ministrlarınıñ cıyılışı oyıştırılğan Buxarestta “Aspen” institutı-“Alman marşal” waqıfı forumında yasağan çığışında, Rusiyä-Ukraina suğışınıñ kürşe illärgä dä täêsir itüen belderep: "Barı tik gäyıpläp kenä problemanı xäl itep, çişep bulmıy. Ğadel räweştä tınıçlıqnıñ urnaştırıluın täêmin itärgä kiräk. Suğış barğan çaqta da diplomatiyanı däwam itärgä bula”, - dide.
“Xörriyät” gazetı: “Qalınnan buluı mömkin ciröste xäräkäte yullaması”
İlbaşı idaräse süzçese İbrahim Qalın Süriyädäge terror töbäklärenä buluı mömkin ciröste xäräkäte belän bäyle bularaq: "Operaśiyälär törleçä başqarılırğa mömkin. İrtägä, kiläse atnada yäki här mizgeldä bulırğa mömkin”, - dip äytte.
“Yäni Şafak” gazetı: "Sabiha Gökçängä Yılnıñ sanlı aêroportı büläge"
İstanbul Sabiha Gökçän xalıqara hawa mäydanı “Bluesky (Bluskay) Awards 2022”neñ aviaśiya uñışları büläkläre kategoriyasında "Yılnıñ sanlı (śifrlı) aêroportı” itep saylandı.
“Star” gazetı: "Dön’ya kuboğı matçların THY oçqıçlarında da qarap bulaçaq"
Qatarda 20nçe noyabr’dä başlanğan dönya futbolınıñ iñ zur çarası bulğan 2022 FIFA Dön’ya kuboğındağı matçlar THY Törek hawa yulları oçqıçlarında da kürsäteläçäk.
