Törek matbuğatına küzätü 29.11.2022

“Habertürk” gazetı ilbaşı Ärdoğannıñ Kabinet cıyılışınnan soñ yasağan belderüen citkerä.

Türkiyä ilbaşı Räcäp Tayyip Ärdoğan bolay dip belderde: “İlebez çiklärendä 30 çaqrım kiñlegendäge qurqınıçsızlıq sızığın barlıqqa kiterü qararıbız här kiçergän waqıyğa sayın tağın da nığıy. Meñnärçä çaqrım yıraqlıqtan kilep, terrorçımı-ğayepsezme ikänen ayırıp tormıyça, här cirne cimerep kitüçelär Türkiyäneñ bu telägenä xörmät belän qararğa tiyeş. Bez berkemnän röxsät soramıybız, berkem qarşında da xisap totmıybız. Bez terrorçı bularaq terkälgän oyışmanıñ isemen üzgärtkän bulıp, anı yaqlawçılarnıñ ikeyözlelegenä tüzep torırğa tiyeş tügel”.

“Star” gazetı ilbaşı Ärdoğannıñ islam dön’yasına Greśiyä belän bäyle çaqıruı turında yaza.

Räcäp Tayyip Ärdoğan İslam xezmättäşlege oyışmasınıñ iq’tisadi häm säwdä xezmättäşlege komitetı cıyılışı açılışında çığış yasadı. “İslam dön’yası Greśiyädä zolımğa duçar bulğan qardäşlärebezneñ xälen tamaşa qılıp torırğa tiyeş tügel. Greśiyädä qardäşlärebezneñ waqıfları häm mal-mölkätläre talana, ana telendä uqularına röxsät birelmi - moña süzsez qalmıyq,”-dide Türkiyä ilbaşı.   

“Hürriyet” gazetı Çavuşoğlunıñ Misır turında yasağan belderüenä urın birä

Türkiyä tışqı êşlär ministrı Mäwlet Çavuşoğlu Misır belän mönäsäbätlärgä bäyle bularaq: “Kiläse aylarda ilçe atanırğa mömkin” dide.  

“Sabah” gazetı “Terrorçılıqqa awır basım” dip yaza.

Törek qorallı köçläreneñ Süriyäneñ tön’yağında ütkärgän Färat qalqanı, Zäytün talı häm Solıx çişmäse xäräkätläre näticäsendä 6 yılda 16 meñ 913 terrorçı täêsirsez xälgä kiterelde.

“Yenişafak” gazetı Türkiyäneñ sıyfat kürsätkeçe bulğan Zäñgär bayraqlı plyajları turında citkerä.

Türkiyä zäñgär bayraqlar sanı buyınça İspaniyä häm Greśiyädän soñ öçençe urında. Älege sıyfat kürsätkeçenä iyä plyajlar sanı 2020nçe yılda 486ğa, uzğan yıl 519ğa, bıyıl 531gä citte.