Törek matbuğatına küzätü 28.11.2022
28 nçe noyabr' könne basılıp çıqqan qayber törek gazetlarına küzätü
“Haber Türk” gazetı ilbaşı Ärdoğannıñ “Türkiyä qurqınıçsızlığı öçen barlıq çaralarnı kürü xoquqına iyä “ digän süzlären uquçıları belän urtaqlaşa.
Türkiyä ilbaşı Räcäp Tayyip Ärdoğan çik ar’yağı operaśiyälärenä qağılışlı Türkiyäneñ üz qurqınıçsızlığı öçen çik ar’yağında bilgelägän urınnarda törle çaralar kürü xoquqına iyä buluın häm berkemneñ da bu xoquqnı qullanırğa qomaçawlıy almawın belderde.
”Yeni Şafak” gazetı “Türkiyäne tuqtatırlıq köç yuq” dip yaza.
“PKK”nıñ İstanbulda häm Gazianteptağı höcümnärennän soñ Türkiyäneñ Süriyäneñ tön’yağına oyıştırğan hawa xäräkäte häm ilbaşı Ärdoğannıñ ciröste xäräkäteneñ dä kötelüe turındağı süzläre dön’ya matbuğatı kön tärtibendä qaluın däwam itä. “Haaretz” gazetında analiz yasağan izraille otstavkadağı xärbi Zvi Bar Türkiyäneñ Süriyä operaśiyäsenä äzer buluın, Amerika Quşma Ştatlarınıñ monı totqarlıy almawın assızıqladı.
”Hürriyet” basması “Qara diñgez gazına qağılışlı yaxşı xäbär” isemle yazmasında citkergänçä, Türkiyä ênergetika häm tabiği çığanaqlar ministrı Fatix Dönmäz Qara diñgezdä Sakarya tabiği gaz maydanı êçendäge çiktäş mäydanda tağın ber borawlaw ütkärelüen, Çaycuma-1 skvajinasında berençe mäğ’lümatlarnıñ uñay bulın belderde. Ministr Çukurova töbägendä xäzerge waqıtta öçençe neft’ qoyısınıñ açıluın häm yaqınça 8-10 million miçkä zapas barlığın citkerde. “Bez su däräcäsendä diyrlek neft’ taptıq. Bu bik zur niğ’mät” dide ministr.
”Star basması Türkiyä belän Soğud Ğaräbstanınıñ kileşü täêmin itüe turında yaza.
Türkiyä qazna häm finans ministrı Nureddin Nebati Soğud Ğaräbstanı säwdä ministrı Macid bin Abdullah Al Kasabi belän oçraştı. Nebati söyläşüdä iike il arasında iq’tisadi, säwdä häm finans xezmättäşlegen bäyäläwlären belderep:” Bu ölkälärdä xezmättäşlegebezne alğa taba da üsterü öçen kileştek” dide.
“Sabah” gazetı 8nçe Bötendönya Xäläl sammitı häm 9 nçı İslam xezmmättäşlek oyışması Xälal Expo yärminkäseneñ tögällänüen xäbär itä.
İstanbul yärminkä üzägendä uzğan 8 nçe Bötendön’ya Xäläl sammitı kiçä üz êşen tögälläde. Yaqınça 40 ildän 500 gä yaqın firma qatnaşqan Xälal Expo yärminkäsendä bıyıl biznes küläme 1 milliard yevroğa citär dip kötelgändä xäzergä çaqlı bu çarağa 40 meñnän artıq cirle häm çit il keşeläre kilde.
