Törek matbuğatına küzätü 24.11.2022
24 nçe noyabr' könne basılıp çıqqan qayber törek gazetlarına küzätü
“Hürriyet” gazetı Türkiyä ilbaşınıñ “Terrorçılarğa cir östennän dä höcüm itäçäkbez” digän süzlären uquçıları belän urtaqlaşa.
Türkiyä ilbaşı Räcäp Tayyip Ärdoğan kiçä “Ğadälät häm qalqınu” partiyäseneñ Türkiyä Böyek Millät Mäclesendäge cıyılışında “Süriyägä yaña ciröste xäräkäte bulaçaqmı?” digän sorawğa “Hawa operaśiyäläre özleksez däwam itä, bezneñ öçen iñ uñaylı waqıtta cir östennän dä terrorçılarğa höcümnär başlanaçaq” dip cawap birde.
”Star” basması ministr Akarnıñ “Törek Qorallı Köçläre belän uyın uynarğa yaramağannı küräçäklär” digän süzlären alğı planğa çığara.
Türkiyä milli saqlanu ministrı Hulusi Akar: ”Süriyä häm Ğıyraqnıñ tön’yağında “PKK/YPG” separatist terror oyışmasına qarşı oyıştırılğan “Pänçä –Kılıç” hawa xäräkätendä xäzergä çaqlı 471 maqsatqa ut açıldı, 254 terrorçı täêsirsez xälgä kiterelde. Törek Qorallı Köçläre belän uyın uynarğa yaramağannı küräçäklär”,-dide .
”Sabah” gazetı yazğança, milli xärbi oçqıçnı êşläp çığaru soñğı êtapqa kilep citte.
Bu xaqta Türkiyä saqlanu sänäğäte başlığı İsmail Dämir üzeneñ Twitter akkauntında yazdı. Ul oçqıçnıñ tizdän angardan çığaçağın äytte.
“Haber Türk” gazetı OECD Türkiyä iq’tisadınıñ bıyılnıñ azağında 5,3%qa üsüen kötä dip yaza.
İq’tisadi xezmättäşlek häm üseş oyışması (OECD) Türkiyä iq’tisadınıñ ağımdağı yıl axırında 5,3%qa, kiläse yılda 3%qa üsäçägen farazladı.
Vatan” basması ministr Muşnıñ “Êksport 2021 nçe yılda 225 milliard dollardan arttı” digän süzlären citkerä.
Türkiyä säwdä ministrı Mäxmät Muş:“Kiçä êksportta 2021 nçe yılnıñ tuplam êksport küläme bulğan 225,2 milliard dollarnı uzıp kittek. İlebez öçen xäyerle bulsın”,- dide.
