Төрeк мaтбугaтынa күзәтү - Törek matbuğatına küzätü 23.11.2022
23нчe ноябрьдә бaсылып чыккaн кaйбeр төрeк гaзeтлaрынa күзәтү / 23nçe noyabrdä basılıp çıqqan qayber törek gazetlarına küzätü
“Xäbär Türk” gazetı: “Ärdoğan: “Bez terrornı tamırınnan beteräçäkbez”
İlbaşı Räcäp Tayyip Ärdoğan Süriyäneñ tön’yağındağı terror oyışmalarınıñ Karkamışqa raketa höcüme belän bäyle bularaq Türkiyäne xäref uyınnarı belän, terror oyışmasınıñ isemen üzgärtep, yanındağı soldatların kürsätep iğ’tibarıbıznı çitkä yünälderüne uylawçılarnıñ yulınıñ betüen äytte. Ärdoğan: “Çik buylarıbızğa, watandaşlarıbızğa höcümnär däwam itkän urınnarda iminlek sızığın buluı zarur urınğa bilgeläwebezgä berkem dä kirtä bula almıy, qarşı çığa almıy”, - dide.
“Xörriyät” gazetı: “Ministr Soyludan alman ministrına terror reakśiyası”
Êçke êşlär ministrı Söläyman Soylu terrorçılıq belän köräştä çama turında süz alıp barğan Germaniya êçke êşlär ministrı Nancy Faesergä reakśiya kürsätte. Ministr Soylu: “İstiklyal uramında gäyıpsez keşelär üterelde. Ul keşelärgä bernindi proporśiya da qullanılmadı. Pol’şağa ike bomba kilep töşte diyıp NATO sör’än saldı. Keşelär geografiyalarına, dinnärenä, yäşägän töbäklärenä qarap ayırıla almıy. Keşe xoquqları dönyanıñ här cirendä keşelärgä qarıy”, - dip belderde.
“Watan” gazetı: “Terror qorbanı 5 yäşendäge Xäsän belän xuşlaşu”
Süriyäneñ Ayn Äl Arab töbägendäge “PKK/YPG” terrorçılarınıñ Gaziantäpneñ Karkamış ilçäsendäge mäktäplärgä yasağan raketa höcümendä şähit bulğan 5 yäşendäge Hasan Qarataş küz yäş’läre arasında cirlände. “PKK/YPG”neñ mäktäp höcümendä şähit bulğan uqıtuçı Ayşänur Alkan da sonğı yulğa ozatıldı.
“Yäni Şafak” gazetı: “Rusiyä: “Xäräkät Türkiyäneñ legal’ xoquqı””
Rusiyä İlbaşı idaräse süzçese Dmitriy Peskov Türkiyäneñ Süriyä häm Ğıyraqnıñ tön’yağındağı terror operaśiyäläre belän bäyle bularaq: “Türkiyäneñ Süriyä belän bäyle borçıluların añlıybız. Monıñ Türkiyäneñ legal’ xoquqı buluına ışanabız”, - dip belderü yasadı.
“Star” gazetı: “Marokko patşası 6nçı Möxämmädtän Türkiyägä räxmät süzläre”
Marokko patşası 6nçı Möxämmäd: “Śivilizaśiyälär İttifaqı Forumı çarasınıñ özleksezlegeneñ täêmin itelüe belän şuşı çaranıñ mädäniyätlär, dinnär häm śivilizaśiyälär arasında añlayış, ışanıç häm dialog öçen rekomendaśiya bularaq oyışuında Türkiyä häm İspaniya belän bergä üz öleşen kertkän härkemgä xörmätebezne häm räxmätebezne citkeräbez”, - dip äytte.
