Törek matbuğatına küzätü 22.09.2022
Qayber törek basmalarına küzätü
“Watan” gazetı yazğança Türkiye ilbaşı Räcäp Tayyip Ärdoğan Rusiyä däwlät başlığı Vladimir Putin häm Ukraina ilbaşı Vladimir Zelenskiy belän alıp barğan diplomatiya xäräkäte näticäsendä 200 äsirneñ almaşınuın açıqladı.
“Star” basması beldergänçä Germaniya Kanŝlerı Olaf Şol’ŝ Berläşkän Millätlär Oyışması Ğomüm Şurasındağı çığışında Törkiyäne maqtadı. Şol’ŝ: “Türkiyeneñ aradaşçılığı belän aşlıq êksportınıñ qabat çınğa aşuı zur täqdirgä layıq,” – dide.
“Xörriyät” gazetı xäbärenä kürä Türkiye ilbaşı Räcäp Tayyip Ärdoğannıñ xäläl cefete Äminä Ärdoğan AQŞnıñ N’yu-York şähärendä törek aş-suları tanıtılğan gastronomiya çarasında: “Aş-su – mädäni mirasnıñ iñ möhim faktorı bulıp tora,” – dide.
“Sabah” basması citkergänçä äzer kiyem häm konfekŝiya tarmağı yılnıñ 8 ayında 14 milliard 248 million dolarlık êksport belän rekord quydı. Tarmaq şul uq çor êçendä Germaniyağa 2,5 milliard dollar, İspaniyağa 1,8 milliard dollar häm Böyekbritaniyağa 1,4 milliard doıllarlık êksport başqardı.
“Xäbär türk” gazetı yazğança İtaliya bayraqlı “Costa Venezia” isemle kruiz köymäse Bodrumğa 1502 turist alıp kilde. Tamğaxanädäge êşlärdän soñ köymä yulçıları Bodrumnı gizde, tarixi urınnarnı barıp kürde.
