Төрeк мaтбугaтынa күзәтү - Törek matbuğatına küzätü 12.09.2022
12нче сентябрьдә бaсылып чыккaн кaйбeр төрeк гaзeтлaрынa күзәтү / 12nçe sentyabrdä basılıp çıqqan qayber törek gazetlarına küzätü
“Xörriyät” gazetı: “Ärdoğan Paqıstan Baş ministrı Şärif belän telefonnan söyläşte”
İlbaşı Räcäp Tayyip Ärdoğan Paqıstan Baş ministrı Şahbaz Şärif belän telefon söyläşüen ütkärde. Söyläşü waqıtında Ärdoğan Paqıstannıñ su basu fäläqate belän köräşen küzätep baruın, toyılğan ixtıyacğa yärdämne kürsätä alu öçen Türkiyä bularaq mobilizaśiyälänülären äytte. Ärdoğan Paqıstan yaralarınıñ beterelüe öçen qullarınnan kilgänne êşlärgä däwam itäçäklären belderde.
“Sabah” gazetı: “Miçotakis ömet belän Ärdoğannıñ yulın kötep qala”
Bozcaada kiñlegendä Greśiyanıñ köymägä açqan uttan häm Türkiyäneñ NATO wazıyfasın başqarğan “F-16” oçqıçlarına radar belän yünälüennän soñ Türkiyä belän Greśiya arasındağı kiyırenkelek tağın da arttı. Monnan aldağı könne yasağan çığışları belän kiyırenkelekne kübäytkän Greśiya Baş ministrı Kiryakos Miçotakis isä zur tizlek belän kire adım yasadı. Miçotakis, İlbaşı Räcäp Tayyip Ärdoğan belän söyläşergä äzer buluın citkerde.
“Watan” gazetı: “Qara diñgez gazı tizdän öylärdä qullanılaçaq”
Türkiyä ênergetika häm tabiğıy çığanaqlar ministrı Fatih Dönmäz, Qara diñgezdä 540 milliard kub metrlıq tabiğıy gaz açışın 2023nçe yılnıñ berençe çiregendä öylärgä citkerüne maqsat itülären belderep: “Xäzerge waqıtta häm diñgezdä häm dä ciröstendä operaśiyalär problemasız räweştä alıp barıla. İnşallah, kiläse yılda Türkiyä Qara diñgez gazı belän oçraşaçaq”, - dide. Dönmäz açış utın Urta diñgezdä dä qabızuda täwäkkäl buluların äytte.
“Star” gazetı: “Tacikstan Türkiyäneñ täcribäsennän faydalanırğa teli”
Tacikstan sänäğät häm yaña texnologiyalar ministrı Şärali Kabir, Türkiyä belän investiyälärne ike yaqlı tabış mönäsäbäte nigezendä salırğa teläwlären belderep, ilendäge forsatlarnıñ törek investorlarına açıq buluın iskärtep uzdı. Kabir: “İq’tisad belän bergä şaqtıy ölkädä Türkiyäneñ täcribäsennän faydalanırğa telibez”, - dip äytte.
“Xäbär Türk” gazetı: “Patşabikä Yelizavetanıñ cenazası öçen Türkiyädän 1 yarım million qanäfer çäçäge”
Angliyada Patşabikä Yelizavetanıñ matäm häm cenaza programmasında qullanıluı öçen Antaliyadan häm Ispartadan çäçäk soraw-taläbe 90%qa arttı. Cenaza öçen barlığı kim digändä 1 yarım million qanäfer çäçäge cibärelä başlandı. Çäçäk tarmağında ber könlek êş waqıtı 2şär säğätkä, êşçelär sanı 50%qa arttırıldı.
