Төрeк мaтбугaтынa күзәтү - Törek matbuğatına küzätü 09.09.2022
9нчы сентябрьдә бaсылып чыккaн кaйбeр төрeк гaзeтлaрынa күзәтү / 9nçı sentyabrdä basılıp çıqqan qayber törek gazetlarına küzätü
“Sabah” gazetı: "İlbaşı Ärdoğan: “Putin xaqlı”"
İlbaşı Räcäp Tayyip Ärdoğan Xorvatiyada yasağan belderüendä aşlıq cibärü belän bäyle bularaq: "(Rusiyä İlbaşı Vladimir) Putin xaqlı bulğan mäs’älä bar. Cibärelgän aşlıq bay illärgä kitte, fäqıyr’ illärgä tügel. Sankśiya kertkän illärgä aşlıqnıñ kitüe Putinnı tınıçsız itte. Sämärqandta bu mäs’älälärne quzğataçaqbız. Rusiyädän dä aşlıq cibärelüeneñ başlanuın telibez”, - dip äytte.
“Star” gazetı: "Tışqı êşlär ministrlığınnan BMOnıñ “uyğır” xisabı belän bäyle belderü"
Tışqı êşlär ministrlığı süzçese, tulı wäqalätle ilçe Tanju Bilgiç Berläşkän Millätlär Oyışması keşe xoquqları yuğarı komissarlığınıñ Qıtaynıñ Şeñcan uyğır üzidaräle töbägendäge keşe xoquqları turındağı xisap belän bäyle bularaq: "Töbäktä yäşäwçe uyğır törkiläre häm başqa möselman azçılıqlarğa qağılışlı ilebez häm xalıqara cämäğätçelektä telgä alınğan borçılularnı raslawçı üzençälektä”, - dip belderde.
“Xäbär Türk” gazetı: "Rusiyägä êksportta iñ yuğarı däräcägä citelde"
Türkiyäneñ Rusiyägä êksportı avgust ayında 738 million 527 meñ dollar belän böten waqıtlarnıñ iñ yuğarı ber aylıq kürsätkeçenä ireşte.
“Xörriyät” gazetı: "THY Törek hawa yulları avgustta 7,8 million yulçı alıp bardı"
Törek hawa yulları avgust ayında êçke häm xalıqara liniyalarda tuplam 7 million 800 meñ yulçı yörtte. Hawa yulı şirkäteneñ 2022nçe yılnıñ avgust ayı axırında flottağı oçqıç sanı 387 buldı.
“Yäni Şafak” gazetı: "Obamanıñ Emmy büläge alğan äsärdä törek imzası"
Amerika Quşma Ştatlarınıñ êlekke İlbaşı Barak Obamanıñ Emmy büläklärendä “İñ yaxşı añlatuçı” premiyasına layıq bulğan äsärneñ afişasın Gollivudta agentlığı bulğan törek dizaynerı Ali Aydın äzerläde. Aydın: "Dön’yanıñ häm tabiğatneñ maturlığın häm qırğıy yäşäyışne añlatuçı dokumental’ fil’mnıñ öleşe bulğanıbız öçen bez bik şat”, - dip äytte.
