Törek matbuğatına küzätü 8.09.2022

“Vatan” gazetı Ärdoğannıñ “Rusiyä - ähämiyäten kimetep bula torğan il tügel” digän süzlären alğı planğa çığara.

Türkiye ilbaşı Räcäp Tayyip Ärdoğan Serbiyädäge wazıyfadaşı Aleksandr Vuçiç belän uzdırğan matbuğat cıyılışında bolay dip belderde: “Rusiyägä ciñelçä qarawçılarğa äytäm: yalğış êşlisez. Rusiyä alay ähämiyäten kimetep bula torğan däwlät tügel. Närsä buldı? Rusiyä xäzer tabiğıy gaznı özde, bäyälär Awrupada ber mizgeldä arttı. Xäzer barısı da qışnı niçek ütkäräçäkbez dip qarağa batıp uylıy. Bolarnı aldan uylarğa kiräk ide. Rusiyä, härkem aña höcüm itä başlağaç, qulındağı mömkinleklär, qorallarnı qullanaçaq”   

“Star” gazetı Vuçiçnıñ “Kiläse yılda Türkiyedän alaçaqbız” digän belderüen citkerä

Serbiyä ilbaşı Aleksandr Vuçiç saqlanu sänäğate mäs’äläsendä ilbaşı Ärdoğan belän fiker alışuların belderep: “Türkiyedän keşesez qorallı apparatlar alu öçen kiläse yılda adım yasayaçaqbız,”-dide.

“Yenişafak” gazetı Putinnıñ “Türkiye aradaşçı bulmasa, aşlıq moxtaclarğa ireşä almas ide” digän süzlärenä iğ’tibarnı cälep itä.

Rusiyä däwlät başlığı Vladimir Putin aşlıq çığaru êşçänlege turında yasağan belderüendä Türkiyeneñ aradaşçılığı arqasında aşlıqnıñ Awrupağa tügel, ixtiyacı bulğan illärgä kitüen äytte.

 “Sabah” gazetı “Awrupada - xaos, Türkiye aêroportlarında komfort bar” dip yaza.

Türkiye transport häm asqorma ministrı Adil Karaismailoğlu kizü çorında aviaśiyä tarmağına birelgän yärdämnäreneñ cimeşen aluların belderep: “Awrupada-xaos, Türkiye aêroportlarında komfort bar,”-dide.  

“Hürriyet” gazetı kiläse yıl Türkiyegä turist ağımı bulacağı turında citkerä

Türkiye klimatı, tabiğat’ maturlıqları häm diñgez kurortları belän çit il turistlarınıñ yaratqan urını bulıp tora. Kiläse yıl ilgä 50 million turist kilüe kötelä.