Төрeк мaтбугaтынa күзәтү - Törek matbuğatına küzätü 07.09.2022
7нчe сентябрьдә бaсылып чыккaн кaйбeр төрeк гaзeтлaрынa күзәтү / 7nçe sentyabrdä basılıp çıqqan qayber törek gazetlarına küzätü
“Xäbär Türk” gazetı: “Ärdoğan: Greśiya yanawın däwam itsä, sabırlıqnıñ da axırı bar”
İlbaşı Räcäp Tayyip Ärdoğan Ägäy diñgezendä Greśiyanıñ törek reaktiv oçqıçların tınıçsız itüenä reakśiyasın Bosniya-Hersegovina säfäre waqıtında da däwam itterde. Türkiyäneñ reaktiv oçqıçların Greśiyanıñ tınıçsız itüe belän bäyle bularaq: “Minem bu añlatqannarım töş tügel,” – dip äytüçe Ärdoğan: “Ägär tönnärneñ bersendä bez kinät kenä kilä alabız, diyäbez ikän, waqıtı citkäç kinät kenä kilep çığa alabız”, - dip belderde.
“Xörriyät” gazetı: “Türkiyä belän Bosniya-Hersegovina arasında tanıqlıq belän säyäxät çorı”
İlbaşı Ärdoğan Balkan säfäre qısalarında kitkän Bosniya-Hersegovinada İlbaşı şurası başlığı Şäfik Caferoviç, şura äğ’zaläre Zeljko Komsic häm Milorad Dodik belän urtaq matbuğat oçraşuında qatnaştı. Ärdoğan: “Monnan arı Türkiyädän Bosniya-Hersegovinağa, Bosniya-Hersegovinadan Türkiyägä tanıqlıq (êçke pasport) belän säyäxät itep bulaçaq”, - dip äytte.
“Star” gazetı: “Dodik: “Dön’yanıñ iñ zur liderlarınnan berse Ärdoğan””
Bosniya-Hersegovina Däwlät şurası räislege äğ’zase Milorad Dodik Şura başlığı Şäfik Caferoviç häm şura äğ’zase Zeljko Komsic belän gel ğawğalı buluların, läkin İlbaşı Ärdoğannıñ Bosniya-Hersegovinağa säfäre belän duşlarca atmosferanıñ barlıqqa kilüen äytte. Dodik: “Bu Ärdoğanğa xörmät buluın kürsätä. Awrupa Berlege problemalarıbıznı çişä almıy. Dön’yanıñ iñ böyık liderlarınnan berse Ärdoğan”, - dip äytte.
“Watan” gazetı: “Dön’yanıñ iñ zur SİHA êksportçısı Türkiyä”
SİHA “Bayraktar TB2” keşesez qorallı hawa apparatlarınıñ danı böten dönyada cäyılergä däwam itä. Türkiyäneñ SİHA uñışı küptän tügel İtalia matbuğatında çağılış taptı. Türkiyäneñ keşesez qorallı hawa apparatlarına iğ’tibar yünältelgän xäbärdä Amerika Quşma Ştatları, İzrail, Qıtay, Franśiya häm Böyık Britannıñ artta qaluına basım yasaldı. Xäbärdä Türkiyäneñ SİHA keşesez qorallı hawa apparatların êksportlawda lider buluına iğ’tibar yünältelde.
“Yäni Şafak” gazetı: “Awrupa şirkätläreneñ Türkiyägä ixtıyacı bar”
Türkiyädä êşçänlek alıp baruçı Awrupa şirkätläre Awrupa Berlege belän Türkiyä arasındağı Tamğaxanä (tamojnya) berlegeneñ aşığıç räweştä yañartıluın teli. Türkiyäneñ ışanıçlı urtaq buluın belderüçe İtalian säwdä häm sänäğät palatası cämğıyäte başlığı Livio Manzini Qıtayğa qarşı Türkiyädän başqa al’ternativ il bulmawın äytte. Alman-Törek säwdä häm sänäğät palatası başlığı Markus Christian Slevogt ta: “Awrupanıñ kiläçägennän fayda täêmin itäçäk härkemneñ Türkiyägä kapital saluı kiräk”, - dide.
