Törek matbuğatına küzätü 5.09.2022
5nçe sentyabr' könne çıqqan qayber törek gazetlarına küzätü
“Hürriyet” gazetı Greśiyäneñ Êgeydäge yaña provakaśiyäse turında yaza.
Greśiyä uzğan yıl Törkiyäneñ hawa mäydanı häm kontinental’ sularında tulayım 1616 bozu häm êzärlekläw oyıştıra. Älege san bıyılnıñ 8 ayında 1123kä citte. Törkiyä oçqıçların 14 ayırım oçraqta 3 meñ 372 sekund radardan özep toralar.
“Sabah” gazetı Bosniya-Gerśegovina liderı Djaferoviçnıñ ilbaşı Ärdoğanğa qarata maqtaw süzlären citkerä.
Bosniya-Gerśegovina däwlät başlığı şurası räise Sefik Djaferoviç ilbaşı Räcäp Tayyip Ärdoğannıñ 6nçı sentyabr’dä bulaçaq säfäreneñ ähämiyätenä iğ’tibarnı cälep itä. “Säfär ike il arasındağı iq’tisadi mönäsäbätlärne arttıru öçen ähämiyätle. İlbaşı Ärdoğannıñ Bosniyä-Gerśegovinağa häm regionğa här kilüe tınıçlandıruçı häm balanslawçı yoğıntı yasıy,”-di ul.
“Star” gazetı “Törek saqlanu sänäğate Awrupağa yul tota” dip yaza
Törek saqlanu sänäğate şirkätläre Üzäk häm Könçığış Awrupanıñ iñ zur xärbi kürgäzmäse MSPO-2022dä qatnaşa. Ul 6nçı sentyabr’dän 9ına qadär uzaçaq. Törkiyä anda ikençe tapqır “Lider däwlät” bularaq qatnaşa.
“Habertürk” gazetı Kon’yadağı açış turında citkerä.
Kon’yadağı Savatra borınğı qalası xärabälärendä baruçı arxeologik qazınularda İslamnan aldağı irtä çor törek tarixına qarawçı häm täwge tapqır “törek” süze qullanılğan äsär tabıldı. Anda Run älifbasında “Törkuğlı” dip yazılğan. Äsär bezneñ êranıñ 10nçı-11nçe ğasırlarına qarıy. Bu Anadoluda 1071nçe yıldan alda da töreklär buluın isbatlıy
“Yenişafak” gazetı “Pamukkalägä kilüçelär 64%qa arttı” dip xäbär itä.
UNESCOnıñ Bötendön’ya mirası isemlegendä urın alğan Pamukkalägä 8 ayda 1 million 285 meñ 990 keşe kilgän. Bu, uzğan yılnıñ şul uq çorı belän çağıştırğanda, 64%qa artıq.
