Törek matbuğatına küzätü 29.08.2022

”Yeni Şafak” gazetı yazğança, Türkiye su basudan zıyan kürgӓn Paqıstanğa yӓrdӓm qulın suzdı. Berençe êtapta 10 meň çatır, 50 meň azıq-tölek cıyılması, 50 meň gigiyena materialları hӓm 10 meň balalar formulası su basu töbӓgenӓ cibӓrelde. Türkiye “Qızılay” oyışması su basudan zıyan kürgän töbäklärdä mediśina yärdäme kürsätü çatırları quyıp yaqınça 6 meñ keşene däwalawnı planlaştıra.

”Star” basması citkergänçä, Türkiye qarşında “ Bez tupikta” dip yazuçı Greśiya matbuğatı AQŞ belän strategik partnyerlıq mönäsäbätläreneñ êşkä yaramawın tanıdı. Soñğı yıllarda Türkiyeneñ möhim regional’ köç buluı äytelgän Greśiya matbuğatında “Şunısı iğ’tibarğa layıq, Türkiye geostrategk poziśiyäse belän global’ balans öçen möhim bulğan berniçä xalıqara problemada liderlıq rolen başqara” diyelde.

”Haber Türk” gazetı Türkiyeneñ turist maqsatı - 47 million dip yaza. Türkiye mädäniyät häm turizm ministrı Mäxmät Nuri Ärsoy ağımdağı yılnıñ 7 ayında ilgä 26 million 195 meñ 747 turist kilüen häm bu möhim uñışta xezmät kürsätü ölkäseneñ zur öleşe buluın äytte. Ministr :”Bez bıyıl 42 million bulğan turist maqsatın 47 million itep yañarttıq”,- dide.

”Vatan” gazetı citkergänçä, Türkiye säwdä ministrı Mäxmät Muş Türkiyeneñ xalıqara cämäğät’çelektä tovar êksportında da, xezmät êksportında da üzen tanıtqan il buluın äytte. “Soñğı 20 yılda bezneñ global’ êksport öleşe 4 tapqırğa arttı. Bez cömhüryät tarixında kürelmägän däräcälärgä ireştek” dide säwdä ministrı Mäxmät Muş.

 “Sabah” basması Türkiyeneñ iñ zur aviaśiya, ğaläm häm texnologiya festivale TEKNOFESTnıñ sişämbe köne Samsunda başlanaçağın häm 4 nçe sentyabr’gä qadär däwam itäçägen xäbär itä. Festival’ bıyıl Azärbaycannan soñ ikençe tapqır ütkärelä. Festival’gä kilüçe millionlağan keşe texnologiya, fän – belem , aviaśiya – oçış şouların qarayaçaq.