Törek matbuğatına küzӓtü 09.08.2022

“Xörriyӓt” gazetı yazğança Törkiyä ilbaşı Räcäp Tayyip Ärdoğan kiçӓ 13nçe İlçelӓr konferenśiyasendӓ yasağan çığışında bolay dide: “Ӓl-Aqsa – bezneñ öçen qızıl liniya. Balalarnı, bişektӓge bӓbilӓrne üterünen bernindi aqlawı bula almıy. Törkiyӓ Ğazzӓle qardӓşlӓre yanında.”

“Sabah” basması Törkiyӓneñ tışqı êşlӓr ministrı Mӓwlüt Çavuşoğlu kiçӓ oyıştırılğan 13nçe İlçelӓr konferenśiyasendӓ yasağan çığışın citkerӓ: “İzrailneñ Ӓl-Aqsa mӓçetenӓ kerüen qabul itep bulmıy. İzrailne qırıs rӓweştӓ ğayeplibez, ul tönne iğlan itelgӓn utnı tuqtatunıñ daimi buluın telibez.”

“Yeni Şafak” gazetı xӓbӓrenӓ kürӓ Kreml’ süzçese Dmitriy Peskov Ukraina belӓn söylӓşülӓrgӓ tuqtalıp: “Törkiyä ilbaşı Räcäp Tayyip Ärdoğan çınnan da söylӓşülӓrneñ berniçӓ turınıñ oyıştırıluında zur rol’ uynadı,” – dide.

“Watan” basması beldergӓnçӓ Törkiyӓneñ berençe cirle avtomobile TOGGda êşçӓnleklӓr bar köçenӓ dӓwam itӓ. Soñğı itep Gebze rayonında urnaşqan Batareya qamillӓşterü üzӓgendӓ berençe prototip batareyaneñ yasaluı hӓm testlarnıñ uñışlı uzuı citkerelde.

“Star” gazetı yazğança Törkiyӓdӓ yasalğan hӓm ayıruça çik ar’yağı operaśiyalӓrendӓ kürsӓtkӓn uñışı belӓn bar dön’yağa danı taralğan Bayraktar TB2 qorallı keşesez hawa aparatlarına yaña talӓp kilde. Soğud Ğarӓbstanı patşası Abdülaziz isemendӓge Fӓn hӓm texnologiya oyışması Soğud Ğarӓbstanında cirle bularaq keşesez hawa aparatlarınıñ citeşterlüe öçen törek şirkӓte Baykar texnologiya belӓn söylӓşülӓr alıp baruın açıqladı.