Törek matbuğatına küzӓtü 29.07.2022

“Yeni Şafak” gazetı yazğança Törkiyӓ tışqı êşlӓr ministrlığı Berlӓşkӓn Millӓtlӓr Oyışması İminlek şurasınıñ Kiprdağı BMO Tınıçlıq köçe missiyase wazifa waqıtın ozınaytu qararınıñ çınbarlıqtan yıraq, ğadel bulmağan hӓm xaqsız buluın, Tön'yaq Kipr Törek Cömhüriyäteneñ bu ğadelsezlekne beterü öçen yasayaçaq adımnarnı xuplayaçğın citkerde.

“Sabah” basması beldergӓnçӓ Törkiyӓneñ xӓrbi texnologiya citeşterüdӓge cirle hӓm milli citeşterü añlayışı çit il matbuğatında tağın ber tapqır urın aldı. Germaniyada dön’ya kürüçe “Xandelsblat” gazetı Törkiyӓneñ qoral citeşterü adımı turında yazdı. Gazetta urın alğan analizda bolay diyelӓ: “Monnan soñ çit illӓrgӓ bӓyle Törkiyӓ yuq.”

“Star” gazetı xӓbӓrenӓ kürӓ Baykar şirkӓte Pol’şada Ukraina öçen “Bayraktar TB2” qorallı keşesez hawa apparatın alu maqstaı belӓn cıyılğan yӓrdӓmnӓrneñ Ukrainadağı yӓrdӓm oyışmalarına citkerelüen sorap, Ukrainağa Bayraktar TB2 ne bülӓk itӓrgӓ buldı. Baykar monnan alda da 4 Bayraktar TB2ne bülӓk itep, cıyılğan çığanaqnıñ da Ukraina xalqı öçen qullanıluın talӓp itkӓn ide.

“Haber Türk” basması citkergӓnçӓ Törkiyӓ Cömhüriyӓte Üzӓk Bankı başlığı Şahap Kavcıoğlu Törkiyӓ iqtisadınıñ 2004nçe yıldan birle berençe tapqır hӓm ber-ber artlı 2 kvartal profiśit birüen ӓytte. Kavcıoğlu bu wazğıyӓt’neñ Törkiyӓ iqtisadı öçen yaña çornıñ başlanuına, êksportka bӓyle üseşkӓ işarӓt itüen belderde.

“Watan” gazetı yazğança Mӓdӓniyӓt hӓm turizm ministrı Mӓxmӓt Nuri Êrsoy küz uñında totılğan sannarğa ireşkӓndӓ bıyıl turizm keremendӓ rekordnın quyılaçağın ӓytte. Ministr: “Turizm keremendӓ 2019dӓ 34 milliard yarım dollar bularaq rekord quyılğan ide, Törkiyӓ qabat bu rekordnı quyaçaq. 37 milliard dollarlık maqsat quydıq, inşallah bu san tağın da yuğarı bulaçaq,” – dide.