Törek matbuğatına küzätü 26.07.2022

“Haber Türk” gazetı Ärdoğannıñ “Härkemneñ quyğan imzaların yaqlawın telibez” digän süzlären alğı planğa çığara.

Törkiyä ilbaşı Räcäp Tayyip Ärdoğan kiçä TRT maxsus programmasında yasağan belderüendä bolay dide: “Aşlıq êksportı kileşüe mäs’äläsendä härkemneñ quyğan imzaların yaqlawın häm alğan cawaplılıqlarına kürä xäräkät itülären kötäbez”.  

“Vatan” gazetı Ömär Çälikneñ belderülärenä urın birä.

Ğadellek häm üseş partiyäse süzçese Ömär Çälik firqaseneñ başqarma şurası kön tärtibe belän bäyle belderülär yasadı. “Aşlıq krizisınıñ çişelüe nisbätennän İstanbuıl kileşüe bik ähämiyätle,”-dide ul

“Hürriyet” gazetı ministr Akarnıñ AQŞlı wazıyfadaşı belän söyläşüe turında citkerä.

Törkiyä milli saqlanu ministrı Xulusi Akar kiçä AQŞ saqlanu ministrı Lloyd Djeyms Ostin belän telefonnan söyläşte. Anda ikeyaqlı häm regional’ temalar kütärelde.

“Star” gazetında “Terrorçılıq - Törkiyä häm bezneñ öçen berdäy yanaw” digän mäqalä urın ala.

İran tışqı êşlär ministrlığı süzçese Nasır Kenani Ğıyraqtağı waqıyğalarğa iğ’tibarnı cälep itep, terrorçılıqnıñ İran, Ğıyraq häm Törkiyä öçen urtaq yanaw buluın äytte.

“Sabah” gazetı “Antaliyägä hawa yulı belän kilgän turist sanı 6 millionnan arttı” dip yaza.

Antaliyägä ağımdağı yılnıñ başınnan 24nçe iyülgä qadär hawa yulı belän kilgän turist sanı, aldağı yıl belän çağıştırğanda, 107%qa arttı häm 6 million 133 meñ 463 keşe täşkil itte.