Törek matbuğatına küzätü 25.05.2022

“Star” gazetı yazğança İlbaşı Rezidenŝiyasendä oyıştırılğan Yuğarı kiñäşmä şurası cıyılışında çığış yasağan Törkiyä ilbaşı Räcäp Tayyip Ärdoğan Törkiyäneñ tarixta da bulğanı kebek çiklärenä kilgän häm cirlärenä sıyınğan mazlum häm suğıştan zıyan kürüçelärgä bitaraf qalmawın belderde.

“Xörriyät” basması beldergänçä Törkiyä ilbaşı Räcäp Tayyip Ärdoğan  Süriyäneñ tön’yağında Törkiyä qabat torğızğan töbäklärgä kire qaytuçılar sanınıñ 500 meñnän artuın äytte. Ärdoğan bu töbäklärdä xalıqara finanslaw belän yaña toraq punktlarınıñ tözeläçägen, tağın da küp süriyäleneñ öylärenä qayta alaçağın citkerde.

“Yeni Şafak” gazetı xäbärenä kürä Süriyäneñ tön’yağında imin töbäk barlıqqa kiterü öçen 2016dan birle 4 zur operaŝiya oyıştırğan Törkiyä 5nçe xäräkätkä äzerlände. Törkiyä ilbaşı Räcäp Tayyip Ärdoğan işarät itkän yaña operaŝiyaneñ maqsatları - PKK/YPG terror oyışması yawlawı astında bulğan Tel Rıfat, Ayn-Êl Arap, Ayn İsa häm Münbiçnı qotqaru.

“Xäbär türk” basması citkergänçä NATO ğomüm särqätibe Yens Stoltenberg Törkiyäneñ geografiya häm strategik cähattän barlıq berlektäş illär öçen möhim il buluın assızıqlap: “Törkiyä - terror höcümnärennän iñ küp zıyan kürüçe il. NATO êçendä bulğan berlektäş illärdän ayırmalı,” – dide.

“Sabah” gazetı yazğança Törkiyä tışqı êşlär ministrı Mäwlüt Çavuşoğlu Fälästingä yärdäm kürsätüneñ Törkiyäneñ östenlege bulırğa däwam itäçägen belderde. Törkiyäneñ Fälästin däğwasın iñ küp yaqlawçı il buluın assızıqlağan Çavuşoğlu: “Bäysez häm möstäqıyl’ däwlät köräşendä fälästinle qardäşlärebez yanında bulaçaqbız,” – dide.