Törek matbuğatına küzätü 10.05.2022

”Haber Türk” basması yazğança,Törkiyä ilbaşı Räcäp Tayyip Ärdoğan bu könnärdä dön’ya häm töbäk suğışlar, bäreleşlär, säyäsi häm iq’tisadi krizislar , sośial’ tirbäleşlär belän awır könnär kiçergändä Törkiyäneñ üz yulınnan taypılmıyça alğa baruın äytte. “Xäzerge waqıtta här tarmaqta üzen kürsätä alğan, barlıq duslarına häm qardäşlärenä bulışa alğan Törkiyä bar. Zur häm köçle Törkiyä buldıru öçen tırışabız” dide ilbaşı.

”Hürriyet” basması Törkiyä ilbaşı Ärdoğannıñ Soğud Ğaräbstanı täxet varisı Möxämmäd bin Sälman belän telefonnan söyläşüe turında yaza. Söyläşüdä Ärdoğan xastaxanägä salınğan Soğud Ğarabstanı patşası Sälman bin Abdulğazizneñ sälamätlege xaqında mäğ’lümat aldı, tiz arada sälamätlänü telägen citkerde. Söyläşüdä şulay uq Törkiyä – Soğud Ğaräbstanı mönäsäbätläre häm regional’ mäs’älälär xaqında da süz bardı.

”Star” gazetı citkergänçä, Şveyśariyäneñ Bazel’ şähärendä  8 nçe mayda uzğan  23 nçe aprel’ Xalıqara balalar festivalendä qatnaşuçılarğa höcüm itep 6 keşene cäräxätlagän “PKK” separatist terror oyışması tarafdarlarınnan 5 keşe qulğa alındı. Qulğa alınğan höcüm itüçelärne tikşerü bara.

”Yeni Şafak” gazetı yazğança, Törkiyä milli saqlanu ministrlığı räsmi sośial’ media çeltärendä belderü yasap terrorğa qarşı köräştä qatğıylıqqa basım yasadı. “Berkem da borçılmasın. Awrupanıñ urtasında balalarğa höcüm itkän qatıyl’lärgä tiyeşle cäzanı biräbez. Bezneñ batır yegetlärebez balalalırıbıznı räncetergä tırışuçı terrorçılarğa höcümne däwam itäçäk” diyelä belderüdä.

”Sabah” gazetı Törkiyä uzğan yıl 106 ilgä diñgez produktları êksportladı dip xäbär itä. Awıl häm urman xucalığı ministrlığınıñ balıqçılıq häm diñgez produktarı ğomum mödir urınbasarı Mäxmät Nuri Yılmaz Törkiyäneñ diñgezläre häm êçke su çığanaqları belän diñgez produktları citeşterü cähätennän möhim potenśialğa iyä buluın äytte. “Törkiyä uzğan yıl 106 ilgä diñgez êşlänmäläre êksportladı” dide ul.