Төрeк мaтбугaтынa күзәтү - Törek matbuğatına küzätü 09.05.2022
9нчы майда бaсылып чыккaн кaйбeр төрeк гaзeтлaрынa күзәтү / 9nçı mayda basılıp çıqqan qayber törek gazetlarına küzätü
“Xörriyät” gazetı: “Ärdoğan: “Ğaskärebez çik buylarında yalğışlıqqa forsat birmäde”
İlbaşı Räcäp Tayyip Ärdoğan / çik buyında bulıp qaytqan Milli saqlanu ministrı Hulusi Akar belän telefonnan söyläşte. İminlek köçlärenä dä möräcäğät itüçe Ärdoğan: “Ğaskärebez xäzergä çaqlı çik buyında iň keçkenä genä xatağa da yul quymadı. Ğaskärebezneň sez qıymmätle äğ’zalären üz isemem häm millätem isemennän alqışlıym. Bu ğayrätläregez tarix buyı onıtılmayaçaq”, - dide.
“Watan” gazetı: “Törkiyä Şveyśariyadağı höcümne gäyıpläde”
“PKK” separatist terror oyışması tarafdarları Şveyśariyanıň Basel şähärendä kiçä oyıştırılğan 23nçe aprel’ Xalıqara balalar festivale qotlawları waqıtında törek watandaşlarına höcüm itte. Tışqı êşlär ministrlığı, höcümne kisken räweştä gäyıpläp: "terror oyışmasınıň häm tarafdarlarınıň Awrupanıň üzägendä balalar bäyrämen nişan itep alaçaq qadär tübän töşüläre terror oyışmasınıň yäm’sez yözen xalıqara cämäğätçelekkä tağın ber märtäbä kürsätte”, - dip belderde.
“Star” gazetı: “Törkiyä Awrupa Berlege äğ’zase bulsa ide bu suğış totqarlanır ide”
Törkiyä Tışqı êşlär ministrı urınbasarı häm Awrupa Berlege başlığı, tulı wäqalätle ilçe Faruk Kaymakcı Törkiyäneň Awrupa Berlegenä äğ’zalegeneň öçençe illär öçen dä zur tabış bulaçağın belderde. Kaymakcı: “Ägär Törkiyä Awrupa Berlegenä äğ’za bulsa ide Ukrainadağı suğışnı ciňel genä totqarlap bulır ide. Çönki Könbatış öçen möhim bulğanı tıyıp qaldıru, totqarlaw,” – dip äytte.
“Yäni Şafak” gazetı: “Awrupalılar Yıraq Könçığış urınına Törkiyäne saylap ala”
İstanbul säwdä palatası başlığı Şäkib Avdagiç citeşterüdä häm zakazlarda Törkiyägä qarata qızıqsınunıň “Kovid”tan soň da däwam itüen äytte. Yıraq Könçığışta, bigräk tä Qıtayda koronavirus oçraqlarınıň yaňadan arta başlawın xäterlätüçe Avdagiç: “Şuňa kürä awrupalılar zakazlar mäs’äläsendä Törkiyä kebek garantiyälängän bazarlarğa yünälergä däwam itä. Törkiyäneň bäyä, sıyfat häm täêmin itü mäs’äläsendä bik yaxşı kürsätkeçlärgä iyä”, - dide.
“Xäbär Türk” gazetı: “Awıl xucalığı êksportı berençe dürt ayda 24%qa arttı”
Törkiyäneň awıl xucalığı êksportı, yılnıň berençe dürt ayında uzğan yılnıň şuşı uq çorına qarağanda 24%qa artıp, 11 milliard 127 million dollarğa kütärelde. İlneň awıl xucalığı êksportı aprel’ ayında da, uzğan yılnıň şuşı uq çorına qarağanda 17,6%qa artıp, 2 milliard 765 million dollar külämendä tormışqa aştı.
