Törek matbuğatına küzätü 6.5.2022
Qayber törek gazetlarına küzätü
“Sabah” gazetı yazğança Törkiyä ilbaşı Räcäp Tayyip Ärdoğan kiçä Franŝiya däwlät başlığı Êmmanuêl’ Makron belän telefonnan söyläşte. Söyläşüdä Törkiyä-Franŝiya mönäsäbätlären üsteräçäk adımnar häm Rusiyä-Ukraina suğışı belän ber rättän regional’ mäs’älälär qaraldı.
“Xörriyät” basması beldergänçä Säwdä ministrı Mäxmät Muş kiçä açıqlaw yasap: “Aprel’ ayında êksportıbız uzğan yılnıñ şul uq ayı belän çağıştırğanda 24,6%lık artış belän 23,4 milliard dollar buldı. Bu - iñ yuğarı êksport kürsätkeçebez,” – dip belderde.
“Star” gazetı citkergänçä Törkiyäneñ Ğomüm maqsat boralaq programması qısalarında wazifağa äzerlänüçe T-70 Qara börket boralağı Vertical Flight Society tarafınnan birelüçe “Leonardo İnternational Fellowship Awards” bülägen aldı.
“Yeni Şafak” basması xäbärenä kürä Törkiyäneñ Mavi Vatan doktrinasında tabiğıy gaz êzläw êşçänlekläre Fatix, Oruç Reis, Qanuni köymäläre belän tizlände. Mavi Vatanda tabiğıy gaz êzläwçe köymälär öçen Antaliyada keçkenä köymälärne citeşterü başlandı. Köymälärneñ logistikasında wazifa başqaraçaq keçkenä köymälär noyabr’ ayında tapşırılaçaq.
“Xäbär türk” gazetı yazğança Dänizlineñ tanılğan turizm üzäge Pamukkäläne yılnıñ berençe 4 ayında 240 meñ cirle häm çit il turistı kilep kürde.
