Төрeк мaтбугaтынa күзәтү - Törek matbuğatına küzätü 01.04.2022
1нче апрельдә бaсылып чыккaн кaйбeр төрeк гaзeтлaрынa күзәтү / 1nçe apreldä basılıp çıqqan qayber törek gazetlarına küzätü
“Xörriyät” gazetı: "Ärdoğan Zelenskiy belän söyläşte"
İlbaşı Räcäp Tayyip Ärdoğan kiçä Ukraina Däwlät başlığı Volodimir Zelenskiy belän telefonnan söyläşte. Söyläşü waqıtında Rusiyä häm Ukraina wäkillekläreneñ İstanbulda ütkärgän cıyılışları quzğatıldı. Söyläşüdä Ärdoğan Zelenskiy belän Rusiyä İlbaşı Vladimir Putin sammitın qabul itü täq’dimen qabatladı.
“Sabah” gazetı: "Çavuşoğlunıñ “Ukrainanıñ garant il täq’dime” turında belderüe"
Tışqı êşlär ministrı Mäwlüt Çavuşoğlu Ukrainanıñ Törkiyäne garant illär arasına kertüen häm monıñ Rusiyäneñ dä qabul itüenä tuqtalıp uzıp: "Rusiyäneñ dä moña uñay qarawnıñ säbäbe, baştan birle bu söyläşülär barışında da yış-yış äytkänebez kebek, här ike ilneñ dä Törkiyägä ışanuı, Törkiyäne ob’yektiv, tigez, konstruktiv häm tınıçlıq teläwçe il bularaq kürüe”, - dip belderde.
“Yäni Şafak” gazetı: "Rumıniya ministrınnan Törkiyägä maqtaw süzläre"
Rumıniya transport häm asqorma ministrı Grindeanu Törkiyäneñ diplomatik tırışuları näticäsendä Rusiyä häm Ukraina söyläşü wäkillekläreneñ İstanbulda oçraşuı belän bäyle bularaq: 'Törkiyäneñ soñğı könnärdä bezgä bik yaqın urında baruçı suğışnı tuqtatu öçen kürsätkän tırışuların täq’dir itäm”, - dip äytte.
“Watan” gazetı: "Êksport sannarı açıqlandı"
Törkiyäneñ êksportı fevral’dä uzğan yılnıñ şuşı uq ayına qarağanda 25,4%qa artıp, 20 milliard 4 million dollar, importı 44,5% artu belän 27 milliard 885 million dollar bularaq tormışqa aşırıldı.
“Star” gazetı: "Ävin Dämirhan Yavuz - Awrupa çempionı buldı"
Milli sportçı Ävin Dämirhan Yavuz Vengriyada oyıştırılğan Awrupa köräş çempionatında xatın-qızlar arasında 50 kilo awırlıqta altın medal’ yawlap çempion buldı.
