Törek matbuğatına küzätü 29.03.2022
29nçı mart könne çıqqan qayber törek gazetlarına küzätü
“Hürriyet” gazetı Ärdoğannıñ “Krizisnıñ kileşü yulı belän çişelüe öçen tırışlıq quyğan berdänber däwlät – bez” digän süzlären başça itep ala.
Törkiyä ilbaşı Räcäp Tayyip Ärdoğan: “Bügen ike yaq ta ilebezneñ samimilegenä häm ğadellegenä ışana. Zelenskiy häm Putin belän alıp barıluçı telefon söyläşüläreneñ uñay yulda kitüen äytä alam,”-dide.
“Vatan” gazetı Kalınnıñ S-400lär belän bäyle belderüenä urın birä.
Törkiyä ilbaşı idaräse süzçese İbrahim Kalın: “S-400 mäs’äläsendä poziśiyäbezne monnan alda citkerdek, bernindi üzgäreş yuq. Amerika Quşma Ştatları uñay adım yasasa, Törkiyä monı cawapsız qaldırmayaçaq,”-dide.
“Sabah” gazetı Sälçuk Bayraktarnıñ küñelle xäbären citkerä.
Sälçuk Bayraktar sośial’ media akkauntınnan keşesez xärbi oçqıç Bayraktar “Qızıl alma”ğa qanat quyıluın xäbär itte.
“Star” gazetı “Törek gigantınıñ “Aziya-Tın okean adımı” dip yaza.
Törkiyäneñ global’ cir öste sistemaları çığaruçısı Otokar Malayziyäneñ başqalası Kuala-Lumpurdağı DSA-2022 êkspoziśiyäsendä ARMA- 6x6 häm KOBRA II texnikaların kürsätäçäk.
“Haber Türk” gazetı “Klondayk” fil’mına 3 büläk birelüen belderä.
Rejissyer Marina Êr Gorbaç belän TRTnıñ urtaq kartinası “Klondayk” 36nçı Xalıqara Friburg fil’m festivalendä 3 büläkkä layıq buldı. Ul Ukraina belän Törkiyäneñ xezmättäşlegendä töşerelgän.