Törek matbuğatına küzätü 17.03.2022

“Sabah” gazetı: “Ärdoğan urtaq matbuğat oçraşuında citkerde: tarixi sammit 24 nçe martta”

 Törkiyä ilbaşı Räcäp Tayyip Ärdoğan kiçä Pol’şa ilbaşı Andjey Duda belän Änkarada ütkärgän urtaq matbuğat oçraşuında 24 nçe martta Bel’giya başqalasu Bryussel’dä NATO liderları sammitında qatnaşaçağın, sammitta Rusiya - Ukraina arasındağı barış xaqında söyläşülär ütkäräçäklären äytte.

“Haber Türk” basması: ”Çavuşoğlu rusiyäle wazıyfadaşı Lavrov belän oçraştı”

Törkiyä tışqı êşlär ministrı Mävlüt Çavuşoğlu kiçä rusiyäle wazıyfadaşı Sergey Lavrov belän oçraştı. Çavuşoğlu Mariupol’dä êvakuaśiya êşäreneñ däwam itüen, bügengä qadär 15 meñnän kübräk Törkiyä watandaşınıñ êvakuaśiyälänüen citkerde.

“Vatan” gazetı: “Ministr Akar Kanada saqlanu ministrı belän oçraştı”

Törkiyä milli saqlanu ministrı Hulusi Akar kiçä Bel’giya başqalası Bryussel’däge NATO ştab-kvartirasında Kanada saqlanu ministrı Anita Anand belän oçraştı. Alar ike yaqlı häm regional’ saqlanu, qurqınıçsızlıq mäs’äläläre, şulay uq saqlanu sänäğätendä xezmättäşlek turında fiker alıştılar.

“Yeni Şafak” gazetı: “Ministr Dönmäz: 2030 nçı yılda yullarıbızda 1 million êlektr maşinası yäki gibrid maşinalar kürerbez”

Törkiyä ênergetika häm tabiği çığanaqlar ministrı Fatix Dönmäz kiçä yasağan belderüendä 2030 nçı yılda Törkiyädä yaqınça 1 million êlektr yäki gibrid avtomobil’ bulaçağın häm monıñ öçen asqormanı nığıtu kiräklegen citkerde.

“Star”gazetı: “Cirle vakśina “TURKOVAK” - ğorurlığıbız”

Kovid -19ğa qarşı  cirle “TURKOVAK” vakśinasın  êşläp çığarğan Ärciyes universitetınıñ vakśina tikşerü häm üsterü üzäge mödire, professor Aykut Özdarendeli äytüençä, alar “TURKOVAK” vakśinasınıñ Kovid -19nıñ Omikron variantınnan citdi saqlawın açıqlağannar.