Törek matbuğatına küzätü 11.3.2022

“Star” gazetı yazğança Törkiyä ilbaşı Räcäp Tayyip Ärdoğan AQŞ ilbaşı Djo Bayden belän kiçä telefonnan söyläşte. İlbaşı idaräseneñ Êlemtä räislegennän yasalğan açıqlawğa kürä söyläşüdä Rusiyäneñ Ukrainağa höcüme belän regional’ täraqqıyät’lär häm Törkiyä-AQŞ mönäsäbätläre qaraldı.

“Xörriyät” basması beldergänçä Törkiyä ilbaşı Räcäp Tayyip Ärdoğan kiçä Azärbaycan ilbaşı İlham Aliyev belän Änkaradağı Çankaya Sarayında küreşte. İke lider Rusiyä-Ukraina suğışındağı soñğı wazğıyät’ belän regional’ mäs’älälär häm Törkiyä-Azärbaycan mönäsäbätläre turında söyläşte.

“Watan” gazetı citkergänçä Törkiyäneñ aradaşçılığı belän kiçä Antaliyada oyıştırılğan Rusiyä-Ukraina tınıçlıq oçraşuınnan soñ açıqlaw yasağan Törkiyäneñ tışqı êşlär ministrı Mäwlüt Çavuşoğlu: “Kiñ qırlı tınıçlıq urnaştıru kileşüenä qul quyu söyläşelä. Bu oçraqta Ukrainanıñ qayber illärneñ garant buluın teläwen beläbez. Alardan berse – Törkiyä,” – dide.

“Sabah” basması xäbärenä kürä Törkiyä Ğaläm agentlığı başlığı Serdar Xösäyen Yıldırım ğaläm tarmağına kertelgän investiŝiyaneñ saqlanu sänägätenä dä tizlek östäyäçägen belderde. Yıldırım: “Ayğa barunıñ bezgä alıp kiläçäk texnologik qazanışları bik möhim häm Törkiyäne alğa alıp baraçaq,” – dide.

“Xäbär türk” gazetı yazğança Törkiyä Statistika oyışması ğıynwar ayına qarağan êş köçe sannarın açıqladı. Moña kürä êşsezlek ğıynwarda 11,4% ide.